(transitiva) 1 Konformigi al specialaj celoj aŭ kondiĉoj: oni devas adapti sian parolon al la cirkonstancoj; adapti romanon al la ekrano, poemon al ario; adapti teatraĵon (ĝin modifi, por faciligi ĝian sukceson ĉe alikultura publiko). 2 Taŭge, ĝuste kunigi ion materian al iu materialo: adapti kovrilon al kesto, tenilon al tino. ☞ (rilata vorto el la sama semantika kampo) alfari, alĉĝustigi. adapt(ad)o 1 Ago de tiu, kiu adaptas. 2 Konformigo de teatraĵo, novelo aŭ romano al filmado. adaptaĵo. Io adaptita: ekzistas pluraj adaptaĵoj de la teatraĵo «Volpono». adaptiĝi. Iĝi adaptata: ŝi rapide adaptiĝis al sia nova situacio; la retina adaptiĝemo (kapablo adaptiĝi al malsamaj lumintensoj); adaptiĝo al ekstrema medio. adaptilo 1 Distila ricevilo, troviĝanta ĉe la fino de distila kondensilo. 2 Aparato, organo, cirkvito aŭ elemento de cirkvito, aldonita por adapti alian aparaton al antaŭe neintencitaj uzoj. 3 Tubopeco, pli larĝa aŭ pli mallarĝa je unu fino, servanta por kunligi du malsamdiametrajn tubojn. adaptometrio Mezuro de la retina adaptiĝemo. readaptado Forigado de la sekvoj de akcidento, operacio (kaj simile, kaj similaj), kun la celo denove adapti la suferinton al normala vivo kaj profesia aktiveco.