PIV 2026 · Artikolo 8691

★krispo

Litero K★ Fundamenta

Derivaĵoj en la artikolo 5
  1. krispa
  2. krispig/i
  3. krispig/o
  4. krispig/il/o
  5. krispiĝ/i
★ krispo
1 plisita aŭ amelita kolumo surhavata de viroj kaj virinoj en la 16–17aj jc: ĉirkaŭ la kolo grandega krispo el blanka rigida tolo Z ➞ ĵaboto, krepo, ruŝo.
2 (arĥaismo) = mesentero.
krispa
1 prezentanta surfacon kun multaj relative regulaj ondetoj aŭ bukletoj: krispaj vestoj krispaj kapetoj de infanoj B krispa plumaro de cignoj Z anstataŭ krispaj frizitaj haroj estos kalvo MT ➞ ondumi 2.
2 BOTA havanta neregule sulkiĝintan supraĵon: krispaj folioj krispa mento
krispigi
1 fari ion krispa: varma vento krispigis la akvon B krispigi artefaritajn rozpetalojn li ŝerce pinĉadis kaj krispigadis la buklojn de sia barbo Z
2 TEKS estigi multe da neregulaj faldetoj en rando de ŝtofo, tredinte tra ĝi fadenon, kiun oni poste streĉas: velura krispigita falbalo malsupre de jupo ➞ plisi.
krispigo ago krispigi: ŝi komencis enuigan krispigon de la ekstremoj de larĝa silka skarpo B
krispigilo ilo por krispigi ion: plena kolekto de krispigiloj de haroj Z
krispiĝi
1 iĝi krispa: vangoj , sur kiuj krispiĝis la nigra barbo Z kiam la vento blovas super la herbo, tiam ĉi tiu krispiĝas kiel trankvila akvo Z la ondoj krispiĝis kaj montris sin en vesto el ŝaŭmo Z
2 FOTO randoj de la gelatena tavolo de plato malteniĝi el la plato kaj faldiĝi.