PIV 2026 · Artikolo 8878

★kuraci

Litero K★ Fundamenta

Derivaĵoj en la artikolo 18
  1. kuraco
  2. kuracad/o
  3. ortofon/a kuracad/o
  4. kuracat/o
  5. kuracej/o
  6. kuracil/o
  7. kuracist/o
  8. kuracist/in/o
  9. kuracist/ar/o
  10. best/okuracist/o
  11. dentokuracad/o
  12. dentokuracist/o
  13. infankuracist/o
  14. nekuracebl/a
  15. okulkuracist/o
  16. ripozkuracad/o
  17. trink/okuraco
  18. vaporkuracad/o
★ kuraci tr prizorgi malsanulon por provi redoni bonan sanon, aŭ almenaŭ pli elporteblan staton: estas tempo por mortigi, kaj tempo por kuraci MT oni ne devas kuraci sole per medikamentoj ili ne rimarkis, ke Mi ilin kuracas MT kuraci sin de la vundoj, kiujn oni faris al li MT unu vundo alian kuracas Z (figurasence) la vundojn de mia popolo ili kuracas per facilanimigo MT ŝuldon tempo ne kuracas Z ➞ flegi, sanigi, varti.
kuraco ago aŭ arto kuraci.
kuracado
1 tuto de la prizorgoj farataj de kuracisto pri difinita malsanulo: li ricevis severan kuracadon
2 prizorgado farata de kuracisto pri difinita malsanulo per limigita kategorio de rimedoj: psikanaliza kuracado daŭras jarojn varmakva kuracado marakva kuracado mineralakva kuracado ➞ dieto 1, terapio; kuracarto, kuracoservo; ripozkuracado, vaporkuracado.
ortofona kuracado MEDI procedoj por korekti perturbojn de prononcado. ➞ ortofona.
kuracato malsanulo, kiu estas kuracata de kuracisto: via kuracato estas mia konato Z ➞ paciento; bangasto.
kuracejo loko, kie oni kuracadas, precipe en banurbo.
kuracilo ĉia ilo uzata en kuracado (ekz. medikamento, fizika rimedo ktp): ĉia kuracilo estis bonvena por li, ĉu ia medicinaĵo, ĉu knabina koro
kuracisto, kuracistino persono, kiu, sukcese studinte medicinon, rajtas kuracadi malsanulojn: la kuracisto skribis recepton Z kvartala kuracisto familia kuracisto sentitola kuracisto kuracisto, sanigu vin mem NT li turnis sin ne al la Eternulo, sed al kuracistoj MT virino, kiu kuracas, estas kuracistino FE
kuracistaro tuto de la kuracistoj en urbo, regiono aŭ lando.
bestokuracisto iu, kiu kuracas bestojn, precipe hejmajn. Sin. veterinaro.
dentokuracado fako de medicino pri dentoj.
dentokuracisto dentisto.
infankuracisto kuracisto de infanoj kaj junuloj. Sin. pediatro.
nekuracebla ne resanigebla.
okulkuracisto specialisto pri okulkuracado. Sin. okulisto, oftalmologo. ➞ optikisto.
ripozkuracado kuracado per ripozo.
trinkokuraco kuraco per trinkado de akvo de hidroterma fonto.
vaporkuracado kuracado en ĉambro plena de vaporo.