PIV 2026 · Artikolo 9576
1★loti
1 ★ loti ntr konsulti la sorton per loto: ni lotis inter la pastroj pri la ofera liverado de ligno MT ni lotu, por ke ni eksciu, pro kiu trafis nin ĉi tiu malfeliĉo MT pri mia tuniko ili lotas MT loti, kiu ludu la unua
lote per lotado: lote dividi la teron MT la estraro estis lote elektita Z
loto
1 objekto (sagoj, osta kubo, bileto kun numero k.a.), kiun oni ĵetas aŭ elektas, kaj laŭ kies hazarda pozicio aŭ indiko oni ion decidas: sur la baskon oni ĵetas loton MT la kapron, sur kiun falis la loto li starigu vivan antaŭ la Eternulo MT la loto pri la oriento falis por Ŝelemja MT la loto trafis Jonan MT la loto estas tirita Z la loto ĉesigas disputojn kaj decidas inter potenculoj MT
2 tio, kion iu ricevas, kiam oni lotis: se mi nun gajnos la grandan loton, tiam ni vojaĝos Z la dua loto eliris por Simeon MT inter la glataĵoj de la valo estas via parto; ili estas via loto MT
(figurasence) tia estas la sorto de niaj premantoj kaj la loto de niaj rabantoj MT mizero, malsato kaj morto, jen ilia loto
lotado ago loti: Josuo faris al ili lotadon MT en Ateno oni elektadis la juĝistojn per lotado ➞ loterio, aŭkcio.
lotaĵo loto 2.
lotumi tr disdoni ion atribuante ĉiun parton per lotado: oni lotumis la heredaĵon inter la filoj la lotumitaj lokoj