PIV 2026 · Artikolo 9622

lukti

Litero L

Derivaĵoj en la artikolo 4
  1. lukto
  2. luktad/o
  3. luktej/o
  4. luktist/o
lukti ntr
1 batali per la sola korpa forto, sen armiloj: la femuro de Jakob elartikiĝis, dum li luktis kun tiu MT en malfacila batalo ili luktis unu kun la alia Z lukti laŭ la reguloj ➞ barakti.
2 (figurasence) peni aŭ klopodi por venki malhelpon aŭ por atingi malfacilan rezulton: li dum sia vivo iradis luktante kaj strebante Z mi luktis kaj strebis por la infano Z vere, nun mi sufiĉe suferis kaj luktis! Z per Dia lukto mi luktis kun mia fratino, kaj mi venkis naskante idon MT
lukto
1 senarmila korpa batalo: la lukto de Jakobo kun la anĝelo
2 (figurasence) strebo al io: senespera lukto kontraŭ la morto
luktado
1 agado lukti.
2 SPOR konkuro inter du homoj, en kiu ĉiu provas renversi teren la alian laŭ regularo. ➞ boksado, ĵudo, pankraco.
luktejo loko aranĝita por sporta luktado.
luktisto iu, kies metio estas lukti sporte aŭ en cirko, foiroj k.s.