PIV 2026 · Artikolo 9641

★lupo

Litero L★ Fundamenta

Derivaĵoj en la artikolo 7
  1. Lupo
  2. lupa
  3. lupin/o
  4. homlupo
  5. preriolupo
  6. tasmani/a lupo
  7. virlupo
★ lupo ZOOL mamulo, sovaĝa rabobesto, simila al hundo sed kun pli longaj kruroj; ĝi vivas en arbaroj. specio Canis lupus lupo el la stepo ilin prirabos MT lupoj kaj aliaj sovaĝaj bestoj FDi en sia sonĝo li ekvidis feran lupon, kiu hurlis kvazaŭ cent lupoj LSt
(figurasence) gardatan ŝafon eĉ lupo timas Z ne elvoku lupon el la arbaro Z gardu vin kontraŭ tiuj lupoj, kiuj metis sur sin felon de ŝafido! por vin trompi Z oni lin konas, kiel blankan lupon li estas konata de ĉiuj Z
➞ kanisedo.
Lupo ASTR sudhemisfera konstelacio. Lupus
lupa
1 rilata al lupo.
2 kruela kiel konduto de lupo.
lupino inseksa lupo: la lupino, kiu mamnutris Remon kaj Romulon
homlupo MITO en popolaj kredoj homo, kiu povas aliformiĝi en lupon, ofte dum plenluno kaj kontraŭvole: ĉiutage atakis malgrandan vilaĝon la homlupoj Ko Sin. likantropo, lupfantomo.
preriolupo kojoto.
tasmania lupo ZOOL tilacino.
virlupo virseksa lupo.