★manovr/i

1 ⚔ (ntr) Fari ekzerce movojn k direktoŝanĝojn laŭ komandoj aŭ plano: la eskadro, floto, regimento, aviadilaro manovras ĉiujare.

2 (ntr) (pp trupo, ŝipo, aviadilo ks) Fari laŭcelajn movojn k direktoŝanĝojn, por esti en la plej taŭga loko aŭ pozicio por plenumi sian intencon: ili lerte manovris por ĉirkaŭbari la malamikan taĉmenton; la ŝipo manovris por eniri en la haveno.

3 (f) (tr aŭ ntr). Lerte, artifike klopodi, por atingi celon: ŝi lerte manovras kun siaj adorantoj ^B; la opozicio manovris en la kuliso; la ambaŭ lingvojn vi konas tro malmulte, por ke vi povu manovri kun ili ^Z; mirinde lerte li, kanajlo, manovras la kartojn! ^Z; li estas danĝera manovranto.

4 (ntr) 🚂 (pp trakveturilo) Veturi, ne kiel trajno, sed normalkaze nur interne de stacio, inkluzive de industritrakoj: la lokomotivo manovris por atingi la kontraŭan kapon de la vagonaro.