PIV 2026 · Artikolo 2530
★cikonio
★ cikonio ZOOL
1 granda longakrura vadbirdo kun longa rekta fortika pinta beko, ofte nestanta sur tegmentoj. membro de la familio Ciconiidae (cikonioj, cikoniedoj) el la ordo Ciconiiformes (cikoniformaj birdoj) ĉiuj cikonioj iom post iom kolektiĝis, por ekflugi antaŭ la vintro al la varmaj landoj Z en okcidenta Eŭropo, oni kredigis al la infanoj, ke la novenaskitojn alportas cikonio Sin. cikoniedo. ➞ jabiruo, marabuo.
2 cikonio 1 de la genro Ciconia.
blanka cikonio cikonio kun plumaro ĉefe blanka sed kun nigraj flugiloj, longaj ruĝaj kruroj kaj longa pinteca ruĝa beko; reproduktiĝanta en Eŭropo, nordokcidenta Afriko, sudokcidenta Azio, kaj suda Afriko. specio Ciconia ciconia