PIV 2026 · Artikolo 9916
★marĉo
Derivaĵoj en la artikolo 5
★ marĉo
1 akvujo de senflua densa akvo kun malseka mola fundo, kiu konsistas plejparte el malkombiniĝintaj vegetaĵoj: rano eĉ en palaco sopiras pri marĉo Z el la fonto fariĝis staranta marĉo Z vezikkovrita marĉo Z ➞ marĉokoko.
2 (figurasence) malbona stato, el kiu oni malfacile povas eliri: putri en la marĉo de la nesciado droni en la marĉo de l’ mizero fali en la marĉon de superstiĉoj antaŭ tiuj estis malfermiĝanta la tombo, antaŭ ĉi tiuj — morala marĉo Z
marĉa
1 prezentanta marĉon: ŝanceliĝanta marĉa tero Z
marĉejo terspaco, kie abundas marĉoj: sovaĝa marĉejo Z kelkmejlan spacon okupas tiu marĉejo Z
marĉeto malvasta marĉo: mizeraj vestoj, kiuj aspektis, kvazaŭ ili estus lavitaj en marĉeto Z ➞ flako.
enmarĉiĝi profundiĝi en marĉon (proprasence kaj figurasence).
sal1marĉo = (prefere) sallaguno.