PIV 2026 · Artikolo 10421
★miri
★ miri ntr senti impreson de surprizo pro io stranga, neatendita, nekutima aŭ eksterordinara: ĉiuj miris pro la vortoj de graco, kiuj eliris el lia buŝo NT mi ne miras pri via senscieco li miris antaŭ tia lukso la legantoj ne miru, ke ili trovos tiujn samajn erarojn FA se vi diros al mi, ke li prirabis bankon, mi ne miros CPi la homoj miras, «kiamaniere povas aperi tiaj malsaĝaj fantaziuloj » Z mi forte miras, ke mi jam tiel longe ricevis de vi nenian leteron Z mi miras, ekscii, ke li ne miris plu, ke lia pia patro pasigas la tempon antaŭ la altaroj B (ironie) kaj oni miras, ke ni nomas tiun ĉi landon benita B
tr (arĥaismo) mi miras la saĝecon de tiu ĉi homo Z Vi eble mem miros mian paciencon Z
mira esprimanta miron: stari fikse kun mira rigardado mire ŝi rigardis la junulojn B
miro sento aŭ impreso de iu, kiu miras: kun granda miro ŝin rigardis la juvelisto Z ne estas granda miro Z sur ŝia vizaĝo aperis miro kaj embaraso Z trankviligu vian miron Kaj elaŭskultu Z la miro de Ramzes ankoraŭ pligrandiĝis B
miraĵo io mirinda: kolonar’, kio estas miraĵ’ arĥitekta G ➞ mirindaĵo.
miregi tre forte miri: kiel miregis la bela Sara pro la amaso da multekostaj objektoj ! Z
mirego tre forta miro: esprimo de sincera mirego Z
miriga kapabla estigi miron: miriga katastrofo Z moviĝi kun miriga elasteco Z
mirigi igi iun miri: kia mirinda filo mi estas, se mi povas tiel mirigi mian patrinon! Z via konduto ŝin forte mirigas Z ĝia kolera tono min mirigis Z
mirinda tia, ke oni prave miras pri ĝi: ĝi estas mirinda afero, tiu tiraneco de sinjoroj la edzoj Z mirinda elpensaĵo mirinda lerteco
mirinde en mirinda maniero: ŝi estas mirinde simila al sia patrino Z la lingvo estas mirinde facila por lerni Z
mirindaĵo io mirinda: la tuta mondo estas vico da mirindaĵoj Z HIST la sep mirindaĵoj de la mondo la mirindaĵoj de la moderna scienco Sin. miraklo 2.