PIV 2026 · Artikolo 11407
★ordeno
Derivaĵoj en la artikolo 4
★ ordeno
1 societo el kavaliroj, pli poste el religiuloj kaj monaĥoj, kies membroj faras ĵurpromeson vivi laŭ difinitaj reguloj: la ordeno de la templanoj la ordeno de la teŭtonaj kavaliroj la ordeno de la benediktanoj la ordeno de la franciskanoj ➞ kongregacio, klostro.
2 en iuj regnoj societo, al kiu la membroj de kelkaj liberalaj profesioj devas laŭleĝe aliĝi por elekti estraron, kiu zorgas pri la disciplino kaj la observo de la profesiaj reguloj: la ordeno de la medicinistoj la ordeno de la arĥitektoj la ordeno de la advokatoj ➞ korporacio, sindikato.
3 honora societo starigita ordinare de suvereno, en kiun estas allasataj distingiĝantaj personoj por rekompenco de ilia merito: la Ordeno de la Nigra Aglo la Ordeno de la Ĝartero la Ordeno de Kristo la Ordeno de Lenino
4 insigno portata de la membroj de ordeno 3: per sabro, plumĉap’ kaj orden’ mi ornamiĝus! Z oni tuj donas al vi la Vladimiran Ordenon en la butontruon Z la francan ordenon de «Honora Legio» mi efektive ricevis Z ➞ dekoracio; ordenrubando, ordenstelo.
ordeni tr honori iun per ordeno 4.
almozordeno KRIS ordeno, kies anoj votas vivteni sin nur el almozoj. ➞ dominikano, franciskano.
Teŭtona Ordeno kavalira ordeno, fondita ĉ. 1128, kiu grandparte konkeris Prusujon al kristanismo kaj germaneco.
tria ordeno KRIS societo de homoj vivantaj grandparte laŭ la regularo de ordeno, sed ekster la monaĥejoj.