PIV 2026 · Artikolo 2912

dekoracio

Litero D

Derivaĵoj en la artikolo 3
  1. dekoracii
  2. dekoraciist/o
  3. fon1dekoracio
dekoracio
1 tuto de la aferoj, kiujn oni artisme aranĝas por doni pli belan aspekton al konstruaĵo aŭ loko: dekoracio de domfasado ekz. flagoj dekoracio de parko ekz. girlandoj dekoracio de apartamento ekz. freskoj dekoracio de altaro ekz. floroj nia standardo estas simpla interkonsentita dekoracio por niaj kongresoj Z ➞ ornamo.
2 SPEK pripentritaj tolaĵoj, paneloj aŭ pli realecaj aranĝoj prezentantaj la lokon, kie okazas teatra, kina aŭ televida sceno. ➞ dekoraciriĉa; pozejo; dekoraciŝanĝo.
3 = (prefere) ordeno 4.
dekoracii tr ornami per dekoracio: salono dekoraciita per verdaj plantoj la urbodomo estis dekoraciita per ĉiuj naciaj flagoj
dekoraciisto
1 tiu, kies metio estas dekoracii apartamenton, kombinante murfarbojn, tapetojn, meblojn ktp, por atingi artisman efekton.
2 SPEK iu, kiu pentras la dekoraciojn de teatraĵo.
fon1dekoracio SPEK dekoracio 2 de la fono de la scenejo, aŭ de la loko, kie okazas kina aŭ televida sceno.