★admir/i

1 Senti entuziasman ravon, rigardante aŭ aŭskultante iun aŭ ion aparte belan: Marion, tiel aminda k admirata! ^Z; edzin’ admirata – edzo malsata ^Z; eĉ monstron admiras, kiu ame deliras ^Z; kiel ne admiri tian muzikon?; admiri pejzaĝon, statuon; oni maron admiras, se oni maron ne iras ^Z; du pentraĵoj kolektis ĉirkaŭ si amason da admirantoj. ☞ adori.

2 Senti profundan respekton kun ia animaltiĝo antaŭ iu aŭ io rara pro aparta boneco: admiri la antikvajn heroojn; admiri la virton, la asketismon; stultulo ĉiam trovas pli grandan stultulon, kiu lin admiras; (ironie) mi admiras mian malfeliĉon! ^Z.