PIV 2026 · Artikolo 11737

★paralizi

Litero P★ Fundamenta

Derivaĵoj en la artikolo 7
  1. paralizo
  2. ĝeneral/a paralizo
  3. infan/a paralizo
  4. trem/ig/a paralizo
  5. paralizig/a
  6. paraliziĝ/i
  7. paralizul/o
★ paralizi tr
1 tute aŭ parte perdigi al vivulo aŭ korpoparto la kapablon moviĝi: la vundo paralizis la brakon B paralizita en ĉiuj membroj Z
(analoge) la leviĝo de Nilo paralizis la marŝon de la Egiptaj fortoj B Sinjoro Craggs estis mia dekstra mano . Sen li mi estas kiel paralizita Z
➞ senmovigi.
2 (figurasence) malhelpi la agadon aŭ efikon de io: semi konstantan malpacon kaj paralizi ĉian vivon kaj progreson en nia afero Z la tro longa stato de nesciado paralizas la energion kaj la fidon de ĉiuj esperantistoj Z ili paralizu la plej gravajn atakojn kontraŭ ni Z nur nenormalaj eksteraj cirkonstancoj povas paralizi tiun tute naturan senton Z
paralizo plena perdo de memvolaj movoj de unu aŭ pluraj membroj: esti trafita de paralizo ➞ hemiplegio, paraplegio, parezo.
ĝenerala paralizo difuza kaj progresa paralizo kun parolembaraso, malpliiĝo de la inteligento aŭ deliro.
infana paralizo poliomjelito.
tremiga paralizo parkinsona malsano.
paraliziga = (prefere) paralizanta: mi petas ilin forĵeti sian paralizigan «oni faros sen mi» Z
paraliziĝi iĝi paralizita: (figurasence) liaj flugiloj paraliziĝis li perdis la fervoron Z
paralizulo homo paralizita.