PIV 2026 · Artikolo 11992
★pepi
★ pepi
1 ntr aŭdigi malakutajn, ripetatajn, delikatajn krietojn: la sovaĝaj kolomboj pepis Z ĉiuj pepantaj birdoj alflugis Z ➞ babili, ĉirpi, kluki, kviviti, trili, rukuli.
2 tr diri per birdosimila voĉo: li sekvis la movojn de la rozokoloraj lipetoj, kiuj pepis tiujn vortojn Z mi avertas: se pepos vi vorteton ian G
3 tr KOMP dissendi mesaĝon per Tvitero: kiel pepis la verkisto Salman Rushdie, «respekti religiojn nun signifas timi religiojn» PGu miaj universitataj studentoj skribas siajn notojn, jes ili kaŝe, subtable, tekstas, pepas, fejsbukas PGuSin. tviteri.
pepa rilata al aŭ estanta pepo: pepaj krioj de la virinoj miksiĝis kun la insultoj de l’ viroj B
pepo, pepado ago de iu aŭ io pepanta: la malforta pepado de la pentinta birdo estis himno de ĝojo Z pepado pri la ĉifonoj nekomprenebla por ĉiu nekompetenta orelo Z KOMP mi devis rapide konfirmi, ĉu mi surekrane vidas O aŭ X, sed, kiam mi aŭdis pepon, mi devis subpremi mian reagon KRu
plorpepi ntr ĝemi: kiel hirundo plendanta mi plorpepis MT