PIV 2026 · Artikolo 12136
1★pia
1 ★ pia RELI sincere kaj ame respektoplena al Dio kaj religiaj aferoj: pia kredantino fermis siajn okulojn Z
(analoge) kun pia intenco plaĉas al Li tiuj, kiuj iras vojon pian MT al la ombroj de ĉiuj mortintaj batalantoj esperantistaj la unua kongreso esprimas sian respekton kaj pian saluton Z
(ironie) piaj senefikaj deziroj Z ➞ diotima. pie en pia maniero: pie vivi MT pie morti
pio tio, kio estas pia, rigardata en abstrakta absoluta maniero: vi komprenos veremon kaj juston Kaj pion MT nek pio por Dio, nek kapablo por diablo Z iel pio kaj fio, same kiel kulpo kaj senkulpo, iĝas malfacile malnodeblaj PeS
piaĵo pia ago.
pieca kvazaŭ pia: ili mense konfidas sin al la protekto de sia damo kun tiel granda pieca fervoro, ke la damo ŝajnas esti ilia dio FDi la arĝenta sabata kandelabro verŝis sian festan lumon sur la piece gajajn vizaĝojn Z
pieco eco de pia homo: profunde enradikiĝis la pieco kaj diotimo de la hebreoj de Baĥaraĥ Z monarĥo konata per sia pieco B beleco, mildeco, modesteco, obeeco kaj pieco, jen estas la virtoj, kiuj konvenas al virino Z malvera pieco ➞ hipokrito, Tartufo peli la piecon ĝis bigoteco
piiĝi iĝi pia: se ezoko piiĝis, gobio ne dormu Z ➞ konvertiĝi.
piulo homo pia: eĉ inter piuloj ne mankas pekuloj Z la Sinjoro do scias savi el tento la piulojn NT
malpia malrespektanta Dion kaj la religiajn aferojn: malpia blasfemanto kial la fulmo ne fendas la malpian langon Z
malpio, malpieco eco de homo malpia: en buŝo Biblio, en koro malpio Z
malpiulo homo malpia: de malpiuloj eliras malpiaĵo MT tiam li, malpiulo, mortos pro sia malpieco MT