PIV 2026 · Artikolo 12212

★pinĉi

Litero P★ Fundamenta

Derivaĵoj en la artikolo 10
  1. pinĉo
  2. pinĉad/o
  3. pinĉaĵ/o
  4. pinĉil/o
  5. pinĉil/eg/o
  6. pinĉil/et/o
  7. bek1pinĉil/o
  8. kord/opinĉo
  9. sukerpinĉil/o
  10. tukpinĉil/o
★ pinĉi tr
1 premi ion inter du fingroj, eventuale dolorige: pinĉi la vangon de infano B la pasanto pinĉis lin je la nazo Z ĉi tie oni ridis, ploris, ŝtelis, pinĉis la lumbojn, ĝojkriis Z (analoge, inter du artikitaj pecoj) mi preferas esti mortigita de ili, ol esti pinĉata de la anasoj (figurasence) la frosto pinĉas! Z
2 besto nutri sin, ŝirante ion per la buŝo: mizeraj bovinoj avide pinĉis herbon en la apudvojaj kavoj B la kaproj pinĉis la junajn ŝosojn de la arbetoj
3 MUZI vibrigi kordojn, tirante ilin per la fingroj: li iom pinĉas la gitaron (analoge) pinĉi kelke da akordoj sur la harpo B ➞ plektri.
4 AGRI forigi tiajn partojn de planto, per kiuj ĝi estus malhelpata bonforme kreski, dum ili estas ankoraŭ molaj kaj junaj. ➞ pritondi, pritranĉi.
5 MARN veladi, intence aŭ ne, tro proksime al la vento.
pinĉo ago aŭ procedo pinĉi.
pinĉado
1 agado pinĉi.
2 MUZI serio de kordopinĉoj.
pinĉaĵo tre malgranda kvanto tia, kian oni povas preni pinĉante: pinĉaĵo da salo pinĉaĵo da tabako
pinĉilo
1 MEDI TEKN ilo por pinĉi: pinĉilo de elektristo pinĉilo de seruristo ➞ sukerpinĉilo.
2 ZOOL ekstremaĵo de kelkaj el la kruroj de iuj krustacoj, skorpioj k.a. bestoj: kankroj, kiuj etendis siajn fortajn pinĉilojn Z
pinĉilego granda pinĉilo: pinĉilego de forĝisto ➞ tenajlo
pinĉileto malgranda pinĉilo: pinĉileto por senharigi pinĉileto de horloĝisto
bek1pinĉilo TEKN pinĉilo, kies makzeloj estas longaj kaj forme similaj al anasa beko 1.
kordopinĉo MUZI ago pinĉi 3 kordon de muzikilo.
sukerpinĉilo risorta pinĉilo, per kiu oni faligas sukerkubeton en tason da teo aŭ kafo.
tukpinĉilo risorta pinĉilo, per kiu oni pendigas lavitan tolaĵon ĉe ŝnuro, por ke ĝi sekiĝu. Sin. krokodileto.