PIV 2026 · Artikolo 12338
★planko
Derivaĵoj en la artikolo 4
★ planko
1 KONS horizontala ebeno, kiu konsistigas la malsupran parton de ĉambro, galerio k.c., kaj sur kiu oni paŝas: ligna planko pargeta planko kahela planko mozaika planko ŝtona planko Z pavima planko Z la planko estis el simplaj ne kolorigitaj tabuloj Z la planko en la ĉambroj prezentis pavimon el brikoj Z ricevante de ŝi por tio en la nokto anguleton sur la planko por dormi glaso falis sur la plankon kaj rompiĝis Z
2 voja parto de ponto.
3 en kluzo, kloako, akvedukto k.s. masonaĵa tavolo, kiu ŝirmas la fluejon kontraŭ la erozio de la akvo.
planki tr meti plankon sur grundon aŭ ĉarpentaĵon.
argilplanko planko el batita tero.
kradplanko planko, kies tabuloj havas mallarĝan interspacon.
tavolplanko GEOL malsupra surfaco de tavolo 2.➞ tavoldiko, tavolplafono.