PIV 2026 · Artikolo 12359

platano

Litero P

Derivaĵoj en la artikolo 4
  1. platanac/o
  2. acer/foli/a platano
  3. okcident/a platano
  4. orient/a platano
platano BOTA falfolia florarbo, kun trunkoŝelo skvame defalanta, kun folioj ĝenerale mane lobaj; junaj folioj, la arboŝelo de junaj branĉetoj kaj la floraroj estas kovritaj de lanaj haroj; el la norda hemisfero, kelkaj kun valora ligno uzata por fari laborilojn, paperon k.a. genro Platanus ➞ platanaco.
platanaco kreskaĵo en tiu taksonomia familio, kies tipgenro estas platano. membro de la familio Platanaceae (platanacoj)
acerfolia platano hibrido, aŭ eble kultivoformo, de platano, ofte plantata en urboj por ombro kaj pro tolero al poluado. Platanus × acerifolia
okcidenta platano speco de platano, kun jaspita arboŝelo kiu flokiĝas kaj forfalas; el orienta Usono. Platanus occidentalis
orienta platano speco de platano, granda arbo kiu povas vivi tre longe; en aŭtuno la folioj iĝas ruĝaj, oranĝaj aŭ flavaj; el sudorienta Eŭropo kaj sudokcidenta Azio; la ligno estas uzebla por fari meblojn; la folioj kaj ŝelo por medicino, kaj la branĉetoj kaj radikoj por tinkturo. Platanus orientalis ➞ acero.