PIV 2026 · Artikolo 12446

2★po

Litero P★ Fundamenta

2 ★ po prepozicio aŭ adverbo en egalaj partoj konsistantaj el (uzata por montri, ke la kvanto aŭ mezuro esprimata de la numeralo aŭ vorto esprimanta kvanton, ne rilatas unufoje al ĉiuj objektoj aŭ personoj kune rigardataj, sed ja rilatas ripete kaj sinsekve al ĉiu el ili aparte):ili estis starigataj en vicoj, po ses en unu vico Z ŝi ricevis du lecionojn po dudek spesdekoj por horo Z mi fumadis cigaredojn po dudek-kvin rubloj por cento Z ĉiu grupo havas la rajton sendi al la Kongreso po unu delegito por ĉiu plena deko de siaj membroj Z mi legos en ĉiu tago po dek kvin paĝoj FE eniris al Noa en la arkeon po du el ĉiu karno MT veluro, kostanta po tri guldenoj pro por ulno Z al ĉiu el la laborantoj li donis po kvin dolarojn Z la reĝino kaj ŝia kristana korteganino en la sama tago naskis po unu infaneton HBu mi donis al ĉiu po unu pecon SSz mia avo forkurante antaŭ la germania invado de 1914, kaŝis po kvin luidorojn, sub siaj piedfingroj, en ĉiu ŝuo GWa la gazetoj ne publikigos pli ol po unu foton CPi
po prefikso almetebla al numeralo aŭ kvantesprima vorto. ➞ pogranda, pomalgranda, popeca,pogute.