PIV 2026 · Artikolo 5403
★granda
Derivaĵoj en la artikolo 29
- grando
- grand/
- grandaĵ/o
- grandec/o
- grandeg/a
- grandeg/ul/o
- grandet/a
- grandig/i
- grandiĝ/i
- grandul/o
- diversagranda
- malgranda
- malgrandaĵ/o
- malgrandec/o
- malgrandeg/a
- malgrandeg/ul/o
- malgrandig/i
- malgrandul/o
- mezgranda
- negranda
- pligrandig/i
- pligrandiĝ/i
- pli/malgrandig/i
- pogranda
- pograndist/o
- po/malgranda
- trogranda
- trograndig/i
- trograndig/o
★ granda
1 superanta la ordinarajn dimensiojn; okupanta multe da spaco: granda ĉambro granda domo granda kampo granda urbo granda maro granda kastelo granda monto granda diamanto FE granda kruĉo FE granda paperujo FE granda hundo Z granda urso grandaj okuloj Z sur la granda vojo marŝis soldato Z ➞ vasta.
2 alte kreskinta: granda infano Z granda arbo Z ŝi estas duoble pli granda ol mi Z mia frato ne estas granda : li estas de meza kresko FE
3 superanta la ordinaran gradon, kvanton aŭ intenson: granda aĝo granda krio MT granda frapo MT granda daŭro Z granda plezuro Z granda miro Z granda honto Z granda fiero MT granda bruo Z granda brulo FE granda riĉeco Z granda kapitalo Z granda profito Z granda malprofito Z granda nombro da vortoj Z grandaj malbonoj — grandaj rimedoj Z la granda praveco de io Z granda malbonulo Z granda tirano Z esperante de mi mem grandajn aferojn Z ➞ ega, forta, profunda, trea.
4 superanta la ordinaran kvaliton, gravecon aŭ ŝatatecon: granda poeto Z granda talento B Aleksandro la Granda Ludoviko la Granda Frederiko la Granda obstineco estas granda afero Z granda ofico Z li ne estas el la grandaj saĝuloj Z malgranda aspekte, sed granda intelekte Z en la propra sia domo ĉiu estas granda homo Z kviete vi eldiris grandan vorton! Z granda parolo, sed malgranda volo Z granda en Siaj decidoj MT la pli granda servos la malpli grandan MT ➞ alta, admirinda, eminenta, grandioza, nobla.
grando io, kio povas esti pli aŭ malpli granda, kaj estas ĝenerale prezentata per nombro: longo, temperaturo kaj tempo estas grandoj, kiuj difinas la staton de objekto la simplaj membroj de la Ligo estas ja nur simplaj matematikaj grandoj Z kometo de unua grando G skalara grando vektora grando
grand en la kategorio de grandaj aferoj. ➞ grandkomercisto, grandnegocisto, grandsinjoro; grandindustrio, grandurbo; grandmajstro.
grandaĵo io granda: li faras neesploreblajn grandaĵojn MT malkonkordo grandaĵon ruinigas Z
grandeco eco de tio, kio estas granda; relativa amplekso: la grandeco de la voĉoj devas dependi de la grandeco de la oferoj Z bildoj en natura grandeco Z Lia grandeco estas nemezurebla MT per la grandeco de Via brako MT al kiu vi similigas vin en via grandeco? MT la grandeco de ŝiaj elspezoj la grandeco de liaj esperoj
grandega eksterkutime aŭ eksternorme granda: grandegaj amasoj da greno MT kian grandegan gajnon ni havos! Z grandega hundo FE kun grandega miro FE
grandegulo giganto.
grandeta iom relative granda: grandeta knabo
grandigi fari ion granda: regula sterkado grandigas la plantojn
grandiĝi iĝi granda: kia naskiĝis, tia grandiĝis Z tiu homo grandiĝis kaj ĉiam pli kaj pli grandiĝadis MT la knaboj grandiĝis MT ➞ kreski.
grandulo
1 persono rimarkinda pro sia grandeco: ankaŭ alian mi vidis, grandulon kun ruĝkupra nuanco en la haroj CPi kun streĉa intereso ili du knaboj observas la laborojn de la granduloj plenkreskuloj SEn
2 altrangulo: ni havas statuojn pri niaj granduloj SSz landaj gazetoj sin okupantaj pri la hejma movado kun ĝiaj kafotabloj, promenoj kaj lokaj granduloj MalR la hispanaj granduloj
diversagranda prezentanta diversajn grandojn: la diversgrandaj ĉambroj estas en apartaj kabanoj OE
malgranda
1 havanta dimensiojn malsuperajn je la ordinaraj; okupanta malmulte da spaco: fiŝo pli granda malgrandan englutas Z malgranda hundo Z malgranda boato Z malgranda elfo Z malgranda birdo Z malgranda glaso Z malgranda guto Z malgranda kandelo Z estis iam reĝido, kiu havis nur tre malgrandan regnon Z la malriĉulo havis nenion, krom unu malgranda ŝafeto MT ➞ eta.
2 ne atinginta altan kreskon: kiam ŝi estis ankoraŭ tre malgranda infano Z malgrandaj infanoj kaŭzas laboron, grandaj — doloron Z la malgranda abio volis kreski kaj kreski Z ĉu vi volas ŝipveturi kun mi, malgranda Hjalmar? Z
3 ne atinginta la ordinaran gradon, kvanton aŭ intenson: malgranda pluvo Z malgranda flamo Z malgranda fajro B malgranda gajno Z malgranda pezo Z malgranda espero Z el du malbonoj pli malgrandan elektu Z ĉu malgranda estas via malĉasteco? MT
4 ne atinginta la ordinaran kvaliton, gravecon aŭ ŝatatecon: malgranda valoro Z malgranda reganto Z granda parolisto, malgranda faristo Z li ekscitiĝas ofte ĉe la plej malgranda bagatelo FE mi estas tro malgranda por la tuta bonaĵo, kiun Vi faris al Via sklavo MT
malgrandaĵo io malgranda: konkordo malgrandaĵon kreskigas Z
malgrandeco eco de iu aŭ io malgranda: lia malgrandeco ebligis al li trapuŝi sin tra la truo malgrandeco de liaj enspezoj
malgrandega tre malgranda. ➞ liliputa, mikroskopa, miniatura.
malgrandegulo (arĥaismo) = nano: Neĝulino vekiĝis kaj ekvidinte la sep malgrandegulojn ektimis B malgrandegulo kun ĝibo BVa
malgrandigi fari ion malgranda: malgrandigi bastonon malgrandigi pantalonon malgrandigi siajn elspezojn
malgrandulo homo malgranda. ➞ nano, pigmeo.
mezgranda havanta mezan grandon; modere granda: bela, mezgranda duetaĝa domo HLu mezgrandaj infanoj MalR mezgrandaj kaj relative malgrandaj ŝtatoj TCa
negranda ne granda (sed eventuale ne plej malgranda): li eniris en negrandan malaltan ĉambreton FK unu negranda fenestreto Z negranda ĝardeno kaj dometo kun eĉ plej eta portiko LiZ ni estas homoj ne riĉaj, sed ni havas negrandan ioman kapitaleton Z ➞ mezgranda.
pligrandigi fari ion pli granda: pligrandigi foton
pligrandiĝi iĝi pli granda: lia komerca entrepreno kun la tempo pligrandiĝis
plimalgrandigi fari ion pli malgranda.
pogranda KOME tia, ke oni traktas nur po grandajn kvantojn: pogranda magazeno pogranda komerco pogranda fruktistino Z ili vendas pogrande Z
pograndisto komercisto, kiu vendas nur po grandajn kvantojn, kaj do ne liveras rekte al ordinara konsumanto: la parfumo verŝajne kostas al la pograndisto po naŭ pencoj por kvinlitro CRo la Libroservo de UEA estas la plej granda en Esperantujo kaj kiel pograndisto kaj kiel detalisto OBu Sin. grandkomercisto, grocisto.
pomalgranda tia, ke oni traktas nur po malgrandajn kvantojn: pomalgrande vendi Sin. detala 2.
trogranda ekscesa; troa: trogranda dezirado Z
trograndigi
1 igi ion tro granda.
2 prezenti ion kiel pli granda, ol ĝi vere estas; troigi: la raporto trograndigis la danĝeron vi malbonuzas liajn vortojn kaj trograndigas ilian signifon Z la historiistoj certe trograndigas! Z
trograndigo troigo: la nombro estas evidenta trograndigo sen trograndigo oni povas diri, ke ĝi estas almenaŭ kvindek fojojn pli facila Z