PIV 2026 · Artikolo 8639

★kreski

Litero K★ Fundamenta

Derivaĵoj en la artikolo 31
  1. kresko
  2. kreskad/o
  3. kreskaĵ/o
  4. kreskant/a
  5. kreskej/o
  6. kreskig/i
  7. alkreskad/o
  8. altakreska
  9. ĉirkaŭkreski
  10. diskreski
  11. diskreskig/i
  12. elkreski
  13. elkreskad/i
  14. elkreskaĵ/o
  15. ost/a elkreskaĵ/o
  16. elkreskig/i
  17. kunkreski
  18. kunkreskiĝ/i
  19. kunkreskaĵ/o
  20. mal/altakreska
  21. malkreski
  22. malkreskant/a
  23. miskreski
  24. plekt/okreskaĵ/o
  25. plenkreska
  26. plenkreski
  27. plenkreskul/o
  28. superkreski
  29. surkreskant/a
  30. trokreski
  31. volv/ekreskaĵ/o
★ kreski ntr
1 BOTA disvolviĝi aŭ evolui, tiel proksimiĝante al matureco: la pizo kreskis pli kaj pli alten Z ➞ ĝermi, ŝosi.
2 BIOL ZOOL iom post iom disvolviĝi aŭ pligrandiĝi: la knabeto kreskis Z en tiu aĝo la ostoj ankoraŭ kreskas kreski ĝis la normala mezuro
3 planto aŭ besto pligrandiĝi kaj plimultiĝi (precipe en difinita regiono): nenia kampa herbo ankoraŭ kreskis MT tie abunde kreskis okzalo kaj laktuko en la dezerto kreskas nenio vinberujo ne kreskas en nordaj landoj malsaĝuloj kreskas mem, sen plugo kaj sem’ Z kunikloj rapide kreskas ➞ frukti.
4 io konkreta iom post iom grandiĝi, altiĝi aŭ vastiĝi: la muroj de la nova urbo malrapide kreskis la akvo de la rivero senĉese kreskas de minut’ al minuto kreskis la homamaso societo kreskas niaj adeptoj kreskas la abonantoj de nia revuo kreskas la kreskanta luno
5 (figurasence) iĝi pli intensa, forta aŭ granda: kreskas la lumo kreskas la temperaturo kreskas la fluintenso kreskas la tensio kreskas duboj kreskas fortoj kreskas intereso kreskas fervoro en ĉiu aĝo devas kreski la saĝo Z kun ĉiu tago kreskis lia potenco Z la kuraĝo kreskas kune kun la danĝero Z kiam kreskas honoro, kreskas humoro Z tiuj ĉi vortoj estis kreataj laŭ la kreskanta bezono Z miaj ĉiam kreskantaj okupoj ➞ ampleksiĝi, leviĝi.
kresko
1 alteco de estaĵo, pro ties kreskado: havi gracian kreskon Z fremdulo de bela kresko B infanoj de sama kresko mia frato estas de meza kresko FE
2 kreskado: ondoj en potenca kresko la rokojn superverŝas Z
kreskado stato de iu aŭ io kreskanta: kun la kreskado de la arbo kreskis ankaŭ ĝia bonfarto Z infano malsana dum sia kreskado la konstanta kreskado de nia literaturo silentigos niajn malamikojn Z ➞ progreso.
kreskaĵo vegetaĵo 1 a.
kreskanta MATE funkcio tia, ke la valoro pligrandiĝas aŭ restas konstanta, kiam la argumento kreskas: f(x) ⩽ f(y), se x ⩽ y.
kreskejo loko aŭ regiono, kie nature kreskas difinita vegetaĵo: densa kreskejo kverka, faga, ulma CPi
kreskigi igi ion kreski: kreskigu la tero verdaĵon MT el la filo de la sklavino Mi kreskigos popolon MT (figurasence) longa dormado ŝuldojn kreskigas Z ➞ forci, kulturi; grandigi.
alkreskado pliiĝo de la volumeno de korpo pro aldono de ekstera materio: ASTR astra alkreskado aldoniĝo de materio al astro pro gravito GEOL alkreskado kontinenta pligrandiĝo de la kontinentoj pro aldono de materio ĉe ilia bordo alkreskado oceana aldoniĝo de oceana krusto el rifto
altakreska havanta altan kreskon: mi tute ne estas maljuna , mi estas nur tre altkreska! Z
ĉirkaŭkreski tr kreskaĵoj ĉirkaŭi ion: kaverno ĉirkaŭkreskita de rampaj kreskaĵoj Z remparo, ĉirkaŭkreskita de filikoj Z
diskreski disiĝi kreskante: la Izraelidoj fruktis kaj diskreskis MT
diskreskigi igi ion diskreski: nun venis la tempo diskreskigi fakajn kunsidojn al pli efikaj kaj longedaŭraj kunvenoj
elkreski
1 eliĝi kreskante: el la kavaĵo elkreskas herbo kaj rubuso Z nia fratino! miloj da miloj elkresku el vi MT jam ĝi estis elkreskinta ĝis alte super la nuboj Z (figurasence) el la vortarego provizora iom post iom elkreskos la estonta vortarego oficiale fiksita Z
2 kreski ĝis matureco: dum la lasta jaro li alte elkreskis Z tiu infano, kiu nun plene elkreskis kiel perfekta belulino Z barbo elkreskis, sed saĝon ne naskis Z mi rigardis la belajn, bone elkreskintajn orelojn de la leporo Z ne en unu tago elkreskis Kartago Z knabo, kiu elkreskis en malriĉeco Z riĉaj homoj, naskitaj kaj elkreskintaj en lukso! Z kiam ili elkreskos ĝis la grado de ordinaraj aktoroj Z
elkreskadi abunde ĉiuloke kreski: novaj artaj lingvoj elkreskadas kiel fungoj post pluvo Z
elkreskaĵo
1 MEDI tumoro elstaranta el la haŭto aŭ mukozoj (polipo, veruko ktp) aŭ el iu organo (osta elkreskaĵo).
2 BOTA ZOOL elstaraĵo el organo. ➞ proceso 2.
osta elkreskaĵo benigna osta kreskaĵo sur la surfaco de ekzistanta osto.
elkreskigi igi ion kreski el io: ĉiujare la arbo elkreskigas verdajn branĉojn Z kiel ĝardeno elkreskigas siajn semojn MT
kunkreski, kunkreskiĝi kreski kune kun aŭ samtempe kun io alia: la besto, kiun ni ĉiuj portas en ni, kiu kunkreskiĝis kun la homo Z sen selo ŝi sidadis kiel kunkreskiĝinta kun la ĉevalo Z (figurasence) kun tiu ĉi ideo li kunkreskiĝis kaj estis preta ĉion oferi al ĝi Z
kunkreskaĵo io, kio kreskis kun io alia. ➞ konkremento.
malaltakreska havanta malaltan kreskon: li restis malaltkreska Z
malkreski iom post iom malpliiĝi aŭ malpligrandiĝi: malkreskas lumo malkreskas la fluo malkreskas la nombro de la naskiĝoj malkreskas la senlaboreco la malkreskanta luno
malkreskanta MATE funkcio tia, ke la valoro malpligrandiĝas aŭ restas konstanta, kiam la argumento kreskas: f(x) ⩾ f(y), se x ⩽ y.
miskreski nenormale, fuŝe aŭ malsane kreski: miskreskinta arbusto
plektokreskaĵo sovaĝaj vegetaĵoj, kiuj interplektiĝas: li elŝiris kardojn kaj plektokreskaĵojn, por fari el ili cindron Z la plektokreskaĵoj pendis super la ŝtonegoj Z
plenkreska plenkreskinta: mi timas, ke kiam vi estos plenkreska, vi faros doloron al mia koro Z belega plenkreska knabino Z Sin. maturaĝa. ➞ plenaĝa, seksmatura.
plenkreski atingi sian plenan kreskon: li deziris esti piloto, sed kiam li plenkreskis, li iĝis vendisto de paperaĵoj IGo
plenkreskulo plenkreska homo aŭ besto kontraste al infano aŭ ido: ofte eĉ la suferoj de plenkreskuloj ne povas esti pli grandaj ol tiuj de infano Z
superkreski tr trokreski kaj tiel kovri ion: la kastelo eble ruiniĝis aŭ la lapa arbaro superkreskis ĝin Z la vojeto estis preskaŭ tute superkreskita ALö
surkreskanta = (prefere) adventiva.
trokreski kreskadi en tro granda kvanto. ➞ superkreski.
volvekreskaĵo = (prefere) ĉiro: pikantaj volvekreskaĵoj Z