PIV 2026 · Artikolo 12690

★preĝi

Litero P★ Fundamenta

Derivaĵoj en la artikolo 9
  1. preĝa
  2. preĝo
  3. preĝad/i
  4. preĝar/o
  5. preĝej/a
  6. preĝej/o
  7. horpreĝo
  8. Sinjorpreĝo
  9. tabl/opreĝo
★ preĝi ntr turni sin al Dio aŭ al alia objekto de kulto por tiun honori, aŭ danki, aŭ peti de tiu favoraĵon: danĝero sieĝas, al Dio ni preĝas — danĝero ĉesas, ni Dion forgesas Z preĝu al la Eternulo, ne al Lia sanktulo Z preĝu al la Sankta Virgulino FE ho Izido, trifoje estu glorata via nomo! »
Tiel preĝante la monarĥino tuŝis la plankon per la frunto B
se vi pri vi kaj pri Pilado preĝas Z ŝi preĝis por ĝi al Dio Z pro la animoj de ĉiuj homoj. Mi preĝas Z ŝi preĝis tiel profunde, kiel ŝi neniam antaŭe preĝis, ke estu permesite al ŝi enrigardi Z
preĝa rilata al preĝo: preĝa danko preĝa peto preĝa tapiŝo
preĝo ago kaj vortoj de iu, kiu preĝas: li forpelis la sorĉojn per preĝoj al ĉiuj dioj, kiuj ornamis lian drinkejon B ŝi preĝis sian vesperan preĝon Z fasto kaj preĝo riĉecon ne donas Z preĝon faru, sed farunon preparu Z post la batalo preĝo ne helpas Z aŭskulti ies preĝon MT ➞ preĝoĉambro, preĝrado.
preĝadi regule, insiste preĝi: preĝadi mi ne povas, kvankam forte mi volus preĝi Z
preĝaro kolekto de la preĝoj kutime farataj en difinita eklezio, kulto k.s.
preĝeja rilata al preĝejo: malriĉa kiel muso preĝeja Z
preĝejo
1 konstruaĵo, en kiu oni preĝas kaj diservas: pastron nutras preĝejo Z ➞ altaĵo, baziliko, kapelo, katedralo, kirko 1, lamaejo, moskeo, pagodo, sinagogo, templo.
2 KOMU kristana preĝejo: sonorilo vokas al preĝejo kaj mem neniam eniras Z Sin. kirko 1.
horpreĝo iu el tiuj difinitaj preĝoj, kiujn la katolikaj monaĥoj devas fari ok fojojn dum la tago: libro de horpreĝoj ➞ horo 6, kanonika.
Sinjorpreĝo preĝo, kiun instruis Jesuo al siaj disĉiploj. ➞ Patronia.
tablopreĝo preĝo por danki Dion je la komenco aŭ fino de manĝo.