PIV 2026 · Artikolo 13474
★rikolti
Derivaĵoj en la artikolo 8
★ rikolti tr
1 detranĉi kaj amasigi semitajn poacojn por nutri homojn aŭ bestojn: rikolti fojnon Z (ili) forbruligis la garbojn kaj la ankoraŭ ne rikoltitan grenon MT la loĝantoj de Bet-Ŝemeŝ estis rikoltantaj tritikon MT greno estis semata kaj elkreskadis kaj estis rikoltata Z kiam la tritiko estis rikoltita, oni faris feston B (proprasence kaj figurasence) printempo semas, aŭtuno rikoltas Z ➞ draŝi, falĉi, kolekti; garbo, stako.
2 (analoge) deŝiri kaj amasigi por la konsumado maturajn fruktojn de plantitaj kaj kultivataj vegetaĵoj: rikolti vinberojn Z rikolti pirojn rikolti persikojn ➞ kolekti.
3 (figurasence) ricevi ion kiel rezulton de sia agado: kiu semas maljustaĵon, tiu rikoltos suferon MT mi rikoltis nenion, krom sendankeco rikolti grandan aplaŭdon
rikolto
1 ago de rikolti: kiel pluvo en tempo de rikolto MT la festo de rikolto Z kio mem elkreskos post via rikolto, tion ne rikoltu MT la rikolto de hordeo MT (figurasence) la rikolto de prudento estas pli bona ol arĝento MT
2 tio, kion oni rikoltas: faru honoron al la Eternulo el la unuavenaĵo de ĉiuj viaj rikoltoj MT kia la semo, tia la rikolto Z konsternitaj estas la plugistoj pro la pereo de la rikolto sur la kampo MT fragujoj, kiuj promesis al li riĉan rikolton Z
(figurasence) ĉirkaŭ tiu vorto elkreskis vasta rikolto da miskomprenoj KEMI la rikolto de iu procedo ordinare esprimata kiel procentaĵo de la eligaĵo
Sin. rikoltaĵo.rikoltado agado de rikoltanto: kiel sentondra fulmo en la tempo de la rikoltado Z la rikoltado de tritiko MT
rikoltaĵo rikolto 2.
rikoltilo malgranda falĉilo, kun mallonga tenilo kaj lunarka klingo: svingu la rikoltilon, ĉar la rikoltaĵo estas matura MT la brilpuraj rikoltiloj de la rikoltistoj brilis sur la grenkampoj Z Sin. falĉileto. ➞ rikoltomaŝino, serpo.
rikoltisto laboristo, kiu rikoltas: mi sekvu kaj kolektu apud la garboj, post la rikoltistoj MT
glanorikolto rikolto de glanoj por besta nutrado.
postrikolti kolekti spikojn falintajn post la rikoltistoj. Sin. spikumi.
vinrikolto rikolto de vinberoj.