PIV 2026 · Artikolo 8042
★kolekti
Derivaĵoj en la artikolo 23
★ kolekti tr
1 venigi plurajn personojn en unu saman lokon por ia komuna celo: kolekti ĉirkaŭ si siajn amikojn kolektu al Mi Miajn fidelulojn MT ŝi embuskas kiel rabisto, Kaj kolektas ĉirkaŭ si perfidulojn MT kolekti trupojn kolekti armeon kolekti lernantojn kolekti kongreson kolekti konsilantaron du pentraĵoj kolektis ĉirkaŭ si amason da admirantoj Z ĉiuj liaj amikoj devis esti kolektitaj Z la vizaĝoj kolektitaj ĉirkaŭ la kameno Z (analoge) kiom ofte mi volis kolekti viajn infanojn, kiel kokino kolektas sian idaron sub la flugilojn NT (figurasence) la dense kolektitaj tegmentoj Z ➞ arigi.
2 kunmeti apartajn objektojn por eventuala uzado: kiu groŝon ne respektas, riĉecon ne kolektas Z kolekti opiniojn de amikoj kolekti citaĵojn kolekti sentencojn MT kolekti sciigojn kolekti voĉojn en baloto kolekti artikolojn pri unu temo simplaj kaj kolektitaj verkoj Z (figurasence) mi kunlaboris , por ke ĝi kolektu al si sperton Z kion ŝi sukcesis kolekti por si en la estinteco? Z (analoge) kolekti distilaĵon en ujo ➞ akiri, kompili.
3 depreni de pluraj homoj la monon, kiun ili ŝuldas aŭ volonte donas al organizaĵo: kolekti la impostojn kolekti la lupagojn kolekti la kotizojn kolekti monoferon ĉe propaganda kunveno
4 akiri (por aldoni al jam havataj) objektojn, kiuj havas interrilaton kaj kiujn oni rigardas valoraj: kolekti plantojn kolekti poŝtmarkojn kolekti afiŝojn kolekti pentraĵojn kolekti porcelanajn pipojn kolekti ĉinajn statuetojn ➞ ĉevaleto, ŝatokupo.
5 levi de la grundo kaj kunigi ion por forporti kun si aŭ por tuj uzi: kolekti la pecetojn de rompita vazo kolekti florojn Z kolekti pajlon MT kolekti mortintajn branĉojn por hejtado Z ŝi havis sur sia dorso faskon da bruloligno, kiun ŝi estis kolektinta en la arbaro Z sepdek reĝoj kolektadis panrestaĵojn sub mia tablo MT (figurasence) kiu kolektis la venton en siajn mankavojn? MT
6 ŝiri de la trunko kaj kunigi ion por nutra uzado: kolekti vinberojn B kolekti pomojn kolekti grenon infanoj sin turnadis en la arbaro, kolektante fragojn kaj frambojn Z
(analoge) kolekti falintajn fruktojn GMc kolekti forgesitajn spikojn MT ŝi foriris, kaj kolektis post la rikoltistoj MT
➞ deŝiri, pluki, rikolti.7 (figurasence) koncentri ion por pli bone estri ĝin: nun li havis tempon kaj povis iom kolekti siajn senordajn pensojn B kolekti sian energion kolekti siajn fortojn Z li kuraĝon kolekti ne bezonas Z
kolekta
1 rilata al kolekto: la kolekta instinkto
2 kolektiva.
kolekto
1 ago kolekti: la unuan tagon de la semajno, ĉiu el vi provizu ĉe si laŭ tio, kion li prospere akiris, por ke ne estu kolektoj monkolektoj tiam, kiam mi venos NT
2 aro de kolektitaj personoj aŭ objektoj: ni povos tion ĉi atingi nur per aŭtoritata kongreso, t.e. per kolekto de 20–30 personoj, kiujn nia tuta amikaro elektos Z mi renkontis ian strangan kolekton de ŝtonoj, kiu rememorigis al mi templon B tiu ĉi frazo estas nur bele sonanta kolekto da vortoj Z ni, malgranda kolekto da homoj, ne povas fari ian decidon por ĉiam Z ➞ jarkolekto.
3 aro de interrilataj objektoj, kolektitaj kun la celo prezenti sisteman aranĝon: kolekto de medaloj kolekto de papilioj la unuaj kolektoj de fabeloj aperis en Italujo B kolekto de antikvaj moneroj Sin. kolektaĵo.
Kolekto Aprobita serio de libroj eldonitaj de Hachette kun la aprobo de Zamenhof (1901–1905): Zamenhof deklaris, ke li ĉesigos eldoni ĉe Hachette la Kolekton Aprobitan kaj ke estonte li aperigos tie nur siajn proprajn verkojn ULi
kolektado ago de iu, kiu konstante kolektas: kolektado de fruktoj MT la civilizacio de la kolektado antaŭa al la agrikultura objektoj, kies kolektado ŝajnas unuavide sensenca, sed kiuj per tiu kolektado akiras gravecon kolektado de almozdonoj
kolektaĵo kolekto 3: la ŝtato do financas Esperanto-muzeon kun biblioteko, kiu estas la plej granda kolektaĵo por planlingvoj HMy la materiajn kolektaĵojn de maskoj, instrumentoj kaj ĉapoj li donacis al la Etnografia muzeo en Zagrebo ZTi tiu libro estas kolektaĵo de retmesaĝoj senditaj de Zoran al amikoj kaj konatoj OE
kolektanto
1 iu, kiu plukas fruktojn k.a.: mi fariĝis kiel kolektanto de someraj fruktoj kaj de restaĵo de vinberoj MT
2 iu, kiu kolektas: riĉa kolektanto de modernaj pentraĵoj
kolektiĝi iĝi kolektita(j):
1 ĉiuj scienculoj kaj saĝuloj kolektiĝos, por konsiliĝi Z ĉiuj cikonioj iom post iom kolektiĝis, por ekflugi al la varmaj landoj Z kolektiĝis kongreso el reprezentantoj Z sub la sankta signo de l’ espero Kolektiĝas pacaj batalantoj Z ili kolektiĝis kontraŭ Moseo MT turnante sin al la kolektiĝinta popolamaso sur la strato Z (figurasence) la larmoj kolektiĝis en ŝiaj okuloj Z ĉe la sola aŭdado jam kolektiĝas al mi salivo en la buŝo! Z
2 en lia reĝurbo kolektiĝis tia riĉeco Z
6 kolektiĝas kreskaĵoj de la montoj MT
kolektiĝo
1 kunveno de homoj: baloj kaj kolektiĝoj sekvis unu la alian Z
2 rezulto de kunmeto de aferoj: la kolektiĝojn de la akvo Li nomis Maroj MT
kolektilo
1 KEMI ujo por kolekti distilaĵon.
2 FIZI lenso por kolekti lumfaskon; kamplenso.
4 ELEK duonkonduktanta regiono de transistoro, en kiun la ŝargportantoj fluas de la bazo.
kolektisto iu, kiu profesie kolektadas monon, impostojn ktp.
kolektujo
1 tenujo, en kiun kolektiĝas akvo.
alkolektiĝi BIBL aliĝi al kolekto da homoj: Isaak mortis kaj alkolektiĝis al sia popolo MT tiu tuta generacio alkolektiĝis al siaj patroj MT
enkolekti kunigi en tuton por konservi are: enkolekti grenon MT enkolekti berojn MT enkolekti ovojn MT ni similas al akvo, kiu estas verŝata sur la teron kaj kiun oni ne povas enkolekti MT
enkolektado ago enkolekti: enkolektado de fruktoj MT
forkolekti plene kolekti: la restaĵon de via rikoltaĵo ne forkolektu MT
jarkolekto kolekto de la numeroj de periodaĵo, kiuj aperis dum unu jaro: bindigi jarkolektojn de revuo JCa mi havas jarkolektojn de preskaŭ ĉiuj aliaj kulturaj gazetoj en Esperanto OE
monkolekto petado de mono por bonfaraj k.s. organizaĵoj: vi partoprenas en ĉiuj monkolektoj, filantropiaj projektoj kaj aranĝoj Z por la monumento esperantistoj organizas komunan monkolekton RE
rekolekti
1 denove kolekti iun aŭ ion: Li kompatos vin, kaj rekolektos vin el inter ĉiuj popoloj MT
2 = (prefere) kolekti 7: Pina fiksrigardis sian tabuleton, provante rekolekti siajn disigitajn pensojn ALö
rekolekto ago rekolekti: ni bezonas plenan trankvilecon kaj rekolekton de ĉiuj niaj fortoj Z
rekolektiĝi iĝi rekolektita.
sunkolektilo TEKN aparato, kiu utiligas la energion de sunradioj por produkti varman akvon.
ŝirkolekti kolekti 6: teo, tute verda kaj freŝa, kiun mi mem ŝirkolektis sur la loko de ĝia kreskado Z ŝirkolekti plenmanon da floroj Z knabinoj ŝirkolektis lupolon en grandan vazon Z