PIV 2026 · Artikolo 2232
★broso
Derivaĵoj en la artikolo 7
★ broso
1 KOMU ilo uzata por defroti aŭ skrapi, konsistanta el haregoj aŭ nilonharoj k.s. orte fiksitaj en tabuleto: broso por vestoj Z broso por dentoj broso por ĉevalo ➞ peniko, skovelo.
2 ELEK konduktilo, plej ofte el karbo, por konekti la senmovajn kaj moviĝantajn partojn de elektra motoro per glita kontakto: kolektila broso broso, glitanta sur kolektoringo Sin. frotilo 3.
brosi tr froti ion per broso: brosi vestojn brosi tapiŝon brosi barbon brosi dentojn brosi harojn ŝi brosis al li la ĉapelon per la manplato Z ➞ balai, purigi, senpolvigi, skrapi.
brosado ago brosi.
brosingo ELEK organo por subteni brosojn ĉe la komutilo aŭ kolektoringo de elektra maŝino.
dentobroso broso por purigi la dentojn.
dratobroso speciala broso, en kiu dratoj anstataŭas la harojn: dratbroso por skrapi lanon
tubobroso TEKN cilindra broso, fiksita ĉe la ekstremo de stango aŭ vergo, kaj servanta por purigi la internon de diversaj tuboj (paftuboj, kamentuboj, boteloj ktp). Sin. skovelo.