PIV 2026 · Artikolo 13787
★sambuko
Derivaĵoj en la artikolo 5
★ sambuko BOTA falfolia planto — arbusto aŭ herbo — kun kontraŭe duopaj, plume kunmetaj folioj, kun umbelformaj infloreskoj el malgrandaj, blanketaj, flavetaj aŭ rozetaj floroj kaj kun beroj (drupoj); nekuiritaj beroj estas venenaj; el la mezvarmaj kaj subtropikaj regionoj; pluraj specoj estas orname kultivataj. genro Sambucus ➞ viburnaco.
blua sambuko speco de sambuko, el nordokcidenta Ameriko, tufarbusto kun blue nigraj beroj bluete prujnumaj. specio Sambucus caerulea
grapola sambuko ruĝa sambuko.
herba sambuko ebulo.
nigra sambuko specio de sambuko, el Eŭropo, okcidenta Azio kaj norda Afriko, trunkarbusto kun junaj ŝosoj enhavantaj abundan, blankan medolon, kun kreme blankaj floroj en grandaj umbelformaj cumoj, uzataj sekigitaj por ŝvitiga infuzaĵo, kaj kun beroj (drupoj) maturstadie nigraj, uzataj i.a. por kontraŭtusa siropo kaj por konfitaĵo. specio Sambucus nigra
ruĝa sambuko specio de sambuko, el Eŭropo kaj okcidenta Azio, kun tre ruĝaj beroj, uzataj en la fabrikado de brando kaj konfitaĵo, kaj kun ruĝeta ŝelo. specio Sambucus racemosa Sin. grapola sambuko.