PIV 2026 · Artikolo 14170
★signifi
Derivaĵoj en la artikolo 6
★ signifi tr
1 havi ion kiel sian precize difinitan sencon: «propono» en ĉiuj lingvoj egale signifas ne promeson, sed nur esprimitan intencon Z metro de drapo signifus metron , kiu estas uzata por drapo FE la vorto «Homarano», kiu signifas «membro de la ĉiuhoma familio» Z la noto «du» ĉe la ekzameno signifas «malbone» Z
2 egalvalori kiel io alia: libere spiri ne signifas vivi Z komenci nun klarigojn signifus perdi senutile la tempon Z esti honesta en tiu ĉi mondo signifas esti elektita inter dek mil Z
3 esti signo, antaŭsigno aŭ indiko de io, esti antaŭvidebla rezulto de io: unu perdita milito signifas nenion, ĉar en la dua la sorto povas esti favora B se mi ne revenos, vi estos libera, ĉar tio signifos, ke mi ne vivas plu B peki kontraŭ tiu regulo signifis mankon de respekto MalR edziniĝi signifis por ŝi veni al alia bieno por labori tie SEn tio mia konfeso signifus por li katastrofon RSc
4 esti grava, valora, influa k.s. por iu aŭ io: vi scias, kiom mia filino signifas por mi ALö ĉu la propraj infanoj signifas por ŝi nenion? CPi estas facile kompreni, kion tio perdo de la tuta kapitalo signifas por tiom granda entrepreno MalR mi do ne povas diri al ŝi, kiom ŝia proksimeco signifas por mi UMa
signifa havanta ian sencon aŭ valoron: la trovataj ŝanĝoj estas entute malmulte signifaj Z por ili la poetoj, verkistoj kaj oratoroj la lingvo estas io pli signifa, pli profunda ol simpla konvencia rimedo por formuli ideojn kaj komuniki ilin al aliaj ILa signife li levas la fingron supren Z ➞ signifplena.
signifo
1 esenca kaj kerna ideo montrita de io: severe precizigi la signifon de tiu ĉi sufikso en la senco aŭ nur aktiva aŭ nur pasiva estas ne konsilinde Z «da» post ia vorto montras, ke tiu ĉi vorto havas signifon de mezuro FE la sufikso «um» ne havas difinitan signifon FE oni povas paroli pri la signifo de signo, sed ne pri ties senco
2 valoro aŭ graveco: ofte tiu aŭ alia esprimo havas grandan signifon Z nia kongreso havos apartan signifon kaj estos epokofaranta Z ĉiam demandu vin, kian praktikan signifon la ŝanĝo havus Z la Delegacio havas en iliaj okuloj preskaŭ nenian signifon Z por la kongreso havas signifon nur tiuj personoj, kiuj intencas Z
dusignifa tia, ke ĝi povas prezenti du signifojn: «sentema» estas dusignifa vorto «sent·em·a» aŭ «sen·tem·a» (figurasence) dusignifa rideto Z ➞ ambigua, dubsenca.
multesignifa havanta multe da signifo; esprimanta ankaŭ subkomprenatan penson:li direktis multesignifan rigardon en la okulojn de sia kunulino Z multesignife liaj grandaj bluaj okuloj rigardis la belan Saran Z
sensignifa
1 havanta nenian precizan sencon: titolo sen mono — sensignifa sono Z
2 havanta nenian konsiderindan valoron: kompreneble la profito estas tiel sensignifa, ke mi neniam parolus pri ĝi Z per tio ni mem tre altigos la tute sensignifan Delegacion Z diskutado pri tiuj aŭ aliaj sensignifaj detaloj Z
unusignifa havanta nur unu signifon: estas utopio voli, ke ĉiuj vortoj de lingvo internacia estu unusignifaj