PIV 2026 · Artikolo 14625
★sperta
Derivaĵoj en la artikolo 10
★ sperta
1 iu posedanta sciojn akiritajn per praktika observado kaj agado, kaj kapabla uzi ilin: homo sperta pri komerco, politiko sperta kuracisto B demandi ian spertan advokaton Z pasero sperta ne bezonas averton Z se juneco estus sperta, se maljuneco estus lerta! Z
(analoge) sperta mano ne restas sen pano Z oni devis efektive havi spertan okulon, por tuj trovi la ŝipon tie ekstere Z la aranĝado de la Kongresoj ne trovadu sin en manoj novaj kaj tute ne spertaj Z sperta gvidado
2 io rezultanta el la akiritaj scioj: la sperta regulo, ke peco da fero fariĝas magneta Z ➞ empiria.
sperte en sperta maniero: kiu iras sperte, iras certe Z
sperti
1 tr lerni ion per sperto: mi persone spertis la facilecon de Esperanto li spertis, kiel facile oni perdas monon vi rapide spertos, ke oni ne povas fleksi la sorton laŭ siaj kapricoj
2 tr esti submetita al; suferi aŭ ĝui mem: li alkutimiĝis al tio, li neniam spertis amon Z la maro ĝin ĵetis sur la dunojn, por ke ĝi spertu la sorton de malriĉuloj kaj malfacilajn tagojn Z ne spertu novan seniluziiĝon Z mi mem spertis tian malfeliĉon
3 ntr esti sperta pri io: la esprimmaniero estas ĝuebla ankaŭ por tiuj legantoj kiuj ne spertas pri literaturaj artifikoj JCa Andreo, kiu tre spertas pri similaj situacioj, restis nevidata CPi
sperto
1 tuto de la scioj akiritaj per longa praktiko kaj observo kaj uzeblaj por sukcese atingi ian celon: mi havas tro malmulte da sperto en tiaj aferoj Z mia opinio estas frukto de 19-jara sperto Z mi kunlaboris , por ke ĝi kolektu al si sperton Z mi, instruita de la sperto, ĉesis atenti la kritikantojn Z la opinio, kiun mi aŭdis pri tiu ĉi libro, servos al mi kiel sperto por la formigo de mia ideo Z por sperto kaj lerno ne sufiĉas eterno Z
2 io, kion oni suferis aŭ ĝuis en sia vivo, kaj el kio oni povas ricevi instruon: la malfeliĉa sperto kun mia projekto de Ligo Z post la indigniga sperto, kiun ni havis kun la Delegacio Z ni forgesas averton, ni memoras la sperton Z sperto saĝon akrigas Z
sperteco eco de spertulo.
spertigi
1 igi iun sperta: festivalaj programeroj celas spertigi nin pri la viveco de nia kulturo OE
2 igi ion spertata: financaj krizoj, kiuj spertigas grandajn malfacilaĵojn al la plej malriĉaj el ni Ko
spertiĝi iĝi sperta.
spertulo homo sperta: ne demandu scienculon, demandu spertulon Z laŭ la atesto de spertuloj
laŭsperte laŭ ies sperto: pri tio li povas laŭsperte paroli
nesperta havanta nenian sperton: mi estas nesperta en tiaj aferoj Z fordoni gravan oficon al nesperta persono Z Sin. sensperta.
sensperta nesperta: senspertaj kritikistoj Z sensperta virgulino CPi sensperta novico