PIV · 14796
sterol/o
sterol/o Ⓚ (kn) Steroido kun alkohola grupo: la steroloj estas ĉefaj komponantoj de la ĉelmembranoj, de pluraj hormonoj k vitaminoj.
animalsterolo. Zoosterolo.
ergotosterolo. Ergosterolo.
fitosterolo (kn) Sterolo karakteriza de la superaj plantoj. Sin. plantosterolo.
kolesterolo Ⓚ Sterolo, C27H46O, de multaj animaloj (i.a. de la homo), troviĝanta en preskaŭ ĉiuj ĉeloj, en multaj naturaj animalaj grasoj, kiel estero ekz. en lanolino (langraso), en la sango ktp; sintezata en la hepato, troviĝanta en la galo (0,06%), ĝi povas esti precipitata en la galveziko k formi kalkulusojn.
kolesterolemio ⚥ ⚕ Kvanto de kolesterolo en la sango.
lanosterolo. Antaŭanto en la biosintezo de kolesterolo.
plantosterolo. Fitosterolo.
zoosterolo (kn) Sterolo parenca al kolesterolo, karakteriza de la animaloj. Sin. animalsterolo.