PIV 2026 · Artikolo 14962

sugesti

Litero S

Derivaĵoj en la artikolo 3
  1. sugesta
  2. sugesto
  3. sugestad/o
sugesti tr
1 iu prezenti aŭ proponi (seninsiste) ideon por konsidero: la patrino sugestis, ke li alportu akvon kaj brullignon, por ke li havu almenaŭ iom da okupo por siaj manoj SEn en 1962 s-ro A. Woodburn, membro de la Brita Parlamento, sugestis la kreon de Komuna Eŭropa Lingvo ILa li sugestas, ke, ĉar la malvarma milito estas malantaŭ ni, ni nun agu por konverti UN en tian mondan federacion KEn «rakontu al mi pri Alma-Ato ĝenerale,» la eta barbulo sugestis CPi «eble Packman klarigos tiun punkton,» sugestis Mansard JMe sed unu planon post alia, kiun ŝia vigla cerbo sugestis, ŝi devis forĵeti kiel netaŭgan HLu ➞ proponi.
2 io kaŭzi aperon de ideo; pensigi ion: kio sugestas al vi tiun penson? CPi la korpo de Sulavi sugestis efikecon: oni sentis ĝin fleksebla, rapidmova, kapabla fulmsendi pugnon al celata makzelo CPi mi sentis ke la demando estas decida; io sugestis al mi ke la respondo estas Sankt-Peterburgo aŭ Baker Street OE ➞ aludi.
➞ sugestii.
sugesta rilata al sugesto aŭ sugestado; tia, ke ĝi ion sugestas: ĝi la parolarto estas sugesta en tiu senco, ke ĝi ebligas diveni la starpunkton kaj la argumentojn de la alia flanko ILa mi memoris, kiom fascinis min tiuj strangaj sugestaj odoroj kaj krioj ALö
sugesto ago sugesti; io sugestita: mi konsentas pri via sugesto CPi laŭ sugesto de Hagaj, li kaj lia sinjoro estis tute same vestitaj, por povi pli efike superruzi eventualajn persekutantojn HLu unu el la sugestoj estis, ke la landaj Esperanto-organizaĵoj donu sian apogon al la naciaj komitatoj por agadoj okaze de JIK ILa
sugestado ago sugesti.