PIV 2026 · Artikolo 15501
★tendo
Derivaĵoj en la artikolo 4
★ tendo
1 aranĝo el akvoimuna tolo aŭ felo, starigita sur stangoj por ŝirmi kontraŭ vento, pluvo, suno, kaj servanta kiel portebla subĉiela loĝejo por nomadoj, militistoj, turistoj, sportistoj k.s.: soldatoj starigas siajn tendojn kaj denove ilin forprenas Z ni ne povis meti tendon pro la manko de stangoj B kunmeti la tendojn por foriri B niaj tendoj estas formetitaj B Li etendas la ĉielon kaj distiras ĝin kiel tendon MT ➞ najlo.
2 tendo 1 rigardata kiel loĝejo de gento, tribo k.s.: la ekscito ne ĉesis, — ĝi daŭris sub la tendoj B kiel belaj estas viaj tendoj, ho Jakob MT (figurasence) tio, kio min tiel ofte logas al la tendoj de Jakob juda kvartalo Z
3 ANAT lameno de la duramatro, kiu kovras la cerbeton kaj disigas ĝin de la grandcerbo: cerbeta tendo tentorium cerebelli
tendaro
1 grupo de tendoj servanta kiel provizora loĝejo: ili starigis sian tendaron en Refidim MT tiuj ĉi inoj nun loĝas en subhomaj kondiĉoj en la ĉirkaŭ 56 tendaroj por rifuĝintoj GRa
2 grupo de tendoj uzata en milita ekspedicio: ili venis al la rando de la tendaro , kaj jen neniu tie estas MT la princo forrajdis al la armeo, kies tendaro estis ekster la urbo B
3 (figurasence) kunbatalantaro, partio k.s.: la mondo estas dividita je du malamikaj tendaroj, kiuj deklaris unu kontraŭ la alia militon VEr ni neniam semu en nia tendaro partio reciprokan malamon Z
tendego tre granda tendo, eventuale luksa.
tendumi ntr dum kelka tempo loĝi sub tendo. ➞ kampi.
tendumejo kampadejo.