★trezor/o

1 Amaso da oro, arĝento aŭ aliaj multekostaĵoj, rezerve tenataj: la drako, kiu gardis la trezorojn ^Z; ĉiujn trezorojn de la reĝoj de Judujo Mi transdonos en la manojn de iliaj malamikoj ^X; maljustaj trezoroj ne donas utilon ^X; kie estas via trezoro, tie estos ankaŭ via koro ^N; en mia kampo kaŝas sin trezoro, vi trovos ĝin, serĉante kun fervoro ^K; elfosi trezorojn ^X; la antikva droninta trezoro de la Nibelungoj ^Z; ĉiuj trezoroj de Krezo; ⚖ trovita trezoro (sen konata proprietulo).

2 ☆ Kolekto el relikvoj k valorplenaj piaĵoj, konservitaj en iu preĝejo: viziti la trezoron de la Pariza Sankta Kapelo.

3 (f) Io tre ŝatinda: lia librejo entenas trezorojn; sano estas plej valora trezoro; admiri la arkitekturajn trezorojn de Italujo; sur la erikejo ekzistis aliaj trezoroj, fragoj k mirteloj ^Z; la verkaro de Z. estas trezoro por la homaro.

4 ♧ Plena kolekto de vortoj, dirmanieroj, frazoj aŭ poemoj: la Trezoro de la Greka lingvo (plena vortaro), la Trezoro de la anglaj poemoj.

5 (f) Tre ŝatata aŭ amata persono: la bela infano, ora trezoro, kiun ŝi alportis al sia riĉa edzo ^Z; amiko fidela, estas trezoro plej bela ^Z; tiu kuiristino estas vera trezoro; mia anĝelo, mia trezoro! ^B.