PIV 2026 · Artikolo 16040
★triviala
Derivaĵoj en la artikolo 3
★ triviala vorto, esprimo, ideo k.s. maldelikata, tro komunuza, ne apartenanta al la plej prestiĝaj kategorioj: laborenspezo! kia proza, triviala vorto ĝi estas! Z la simpla, tera, triviala, sed tamen tragedia, minaca, trudiĝema, ŝiranta krio: Panon! Z la himno sub mia plumo ricevis formon tre mallertan kaj trivialan Z la titolado de Dio per «Sinjoro» estas io tro triviala kaj profananta Z tio estas triviala historio, sed ĝi estas belete esprimita Z triviala ŝerco triviala komiko trivialaj aludoj ➞ banala, vulgara.
trivialaĵo io triviala: ili neniam sin altigis super la trivialaĵoj de sia materiala vivado tiu komedio estas tiel plena de trivialaĵoj, ke ĝi naŭzas
trivialeco eco de io triviala: la trivialeco de la sentoj en tiu romano estas apenaŭ tolerebla
trivialigi igi ion triviala: li trivialigas la plej noblajn ideojn trivialigi la sanktan nomon de Esperanto