PIV 2026 · Artikolo 16644

★vipo

Litero V★ Fundamenta

Derivaĵoj en la artikolo 4
  1. vipi
  2. vipad/o
  3. vipet/o
  4. rajdovipo
★ vipo
1 batilo konsistanta el ŝnuro aŭ rimeno, alligita al tenilo: li krakis per la vipo kaj ekkriis: «Dekstren, ĉiuj miaj ĉevaloj!» Z oni batas per vipo, por ke sentu la ripo Z vipo estas por ĉevalo, brido por azeno MT (figurasence) li eĉ el sablo vipojn tordas tiras el ĉio profiton Z
2 (figurasence) premanta aŭ punanta superpotenco: ĝemi sub la vipo kontraŭ la vipo de lango vi estos kaŝita MT Cebaot aperigos vipon super li MT ➞ knuto 1, skurĝo.
vipi tr
1 bati iun per vipo: li komencis denove vipi la ĉevalon LiZ mi ordonas vipi la kulpajn B ŝi tuj kaptas skurĝon kaj vipas, ĝis mia sango elfluas VVi se io misokazos, do vipu min kiel ĉevalaĉon OE
2 forte batadi ion: malvarmiga hajlo vipis lian vizaĝon Z la sablo vipis la fenestrajn vitrojn Z Rejno ruliĝas antaŭen kiel unu sola longa ondo, falegas, estas vipata kaj aliformiĝas en neĝblankajn nubajn masojn Z la homa amaso kliniĝis, kiel herbo vipata de la ventego B (figurasence) jen estas la vortoj, per kiuj ili vipis mian vizaĝon B
3 (figurasence) senindulge mallaŭdi aŭ kritiki iun aŭ ion: tiun fizionomion SAT 2 vipis per sukaj esprimoj kaj proleta sarkasmo ULi kiel morkritikisto li senkompate vipis ĉiujn anomaliajn aperojn kaj patologiajn simptomojn en la kulturvivo MalR ĵus ili vipadis kapitalismon, sed jen ili mem iĝas la unuaj kapitalistoj Ko
vipado ag(ad)o vipi: li volonte havigus al la bienmastro kaj al lia kamaradaro solidan vipadon Z eble oni finiĝos ĉe iu kiu detruos al oni la vivon kaj ordonos vipadon por ĉiu malgranda afereto ALö
vipeto rajdvipo.
rajdovipo fleksebla vergo, finiĝanta per maŝo 3 (el ledo aŭ ŝnuro) kaj uzata de rajdantoj por eksciti la ĉevalon. Sin. vipeto.