PIV 2026 · Artikolo 2132

★bovo

Litero B★ Fundamenta

Derivaĵoj en la artikolo 19
  1. bovaĵ/o
  2. bovar/o
  3. boved/o
  4. bovej/o
  5. bovid/o
  6. bovid/aĵ/o
  7. bovid/in/o
  8. bovin/o
  9. bovin/ist/o
  10. bovist/o
  11. Bovist/o
  12. eksbovin/o
  13. eks/virbovo
  14. grunt/obovo
  15. ĝib/obovo
  16. ladbovaĵ/o
  17. mosk/obovo
  18. ovibovo
  19. virbovo
★ bovo
1 KOMU granda dombesto, kies ino liveras lakton, kaj kies kastrita virseksulo estas uzata kiel ŝarĝobruto; kelkaj rasoj estas senkornaj: bovo muĝas la bovo estas sankta por hinduoj jen staras la bovoj antaŭ la monto! jen la problemo Z oni vokas la bovon ne festeni, sed treni servistoj laboradu Z
2 ZOOL genro de remaĉantaj parhufaj mamuloj, ordinare kun kavaj glataj kornoj malantaŭe sur la kapo. genro Bos ➞ bizono, bubalo, gaŭro, kapro, okso, poefago, taŭro.
bovaĵo KUIR viando de bovo: rostita bovaĵo ➞ bifsteko boligita bovaĵo kun kreno
bovaro grego da bovoj.
bovedodombesto en tiu taksonomia familio, kies tipgenro estas bovo. membro de la familio Bovidae (bovedoj)
bovejo stalo por bovoj.
bovido ido de bovino ĝis la fino de sia unua jaro: rigardaĉi kiel bovido Z bovidon mi atendis, infanon Dio sendis Z adori la oran bovidon la monon, laŭ Eliro 32 KUIR eskalopo de bovido
bovidaĵo KUIR viando de bovido: stufita bovidaĵo
bovidino idino de bovino de la fino de ĝia unua jaro ĝis ĝia unua nasko.
bovino inseksa bovo: eĉ plej nigra bovino donas lakton nur blankan Z
bovinisto iu, kiu prizorgas bovinojn.
bovisto iu, kiu prizorgas bovojn. ➞ vakero.
Bovisto ASTR norda konstelacio, kiu entenas Arkturon. Bootes
eksbovino kastrita bovino.
eksvirbovo kastrita virbovo.
gruntobovo ZOOL granda longhara bovo de specio vivanta precipe en Tibeto (Bos grunniens). Sin. poefago.
ĝibobovo zebuo.
ladbovaĵo KUIR konservita bovaĵo enfermita en ladskatolo.
moskobovo bovo indiĝena en Alasko, Kanado kaj Gronlando, kun longa vila bruna hararo kaj kun kornoj kurbantaj malsupren; la maskloj eligas moskan odoron por allogi femalojn. specio Ovibos moschatus Sin. ovibovo. ➞ bizono, bubalo.
ovibovo moskobovo.
virbovo virseksa bovo. Sin. taŭro. ➞ bovoviro.