PIV 2026 · Artikolo 215
agento
Derivaĵoj en la artikolo 8
agento
1 persono komisiita de iu por konstante fari ion: administra agento diplomatia agento
2 KOME reprezentanto de persono aŭ firmao en komercaj aferoj: kiu estas via agento en Parizo?
agentejo oficejo regata de unu aŭ pluraj agentoj.
doganagentejo entrepreno, kiu zorgas pri doganaj formularoj, pagoj ktp, komisie de siaj privataj aŭ komercaj klientoj. ➞ doganejo.
informagentejo, novaĵagentejo entrepreno liveranta informojn al gazetoj kaj aliaj amasinformiloj: ŝtata informagentejo privata informagentejo faka informagentejo
kambiagentejo EKON agentejo, kie oni negocas pri kambioj.
patentagentejo registara aŭ internacia organizaĵo, kiu aprobas patentojn.
svatagentejo komerca entrepreno, kiu faras svatadojn.
vojaĝagentejo komerca entrepreno, kiu faras aranĝojn por vojaĝantoj, inkluzive mendon de flugoj, hotelĉambroj, k.s.