PIV 2026 · Artikolo 15054

★svati

Litero S★ Fundamenta

Derivaĵoj en la artikolo 4
  1. svato
  2. svatad/o
  3. svatiĝ/i
  4. svatist/o
★ svati tr
1 proponi aŭ peti iun por edz(in)iĝo kun iu tria persono kaj klopodi por aranĝi tion: svati mi havas intencon
Al vi Zonjon G
kion ni faros al nia fratino,
Kiam oni svatos ŝin? MT
Tiberio estis la homo, kiu svatis la edzojn al ŝiaj pli junaj fratinoj ALö Agripina apenaŭ sciis, kiel ŝi eltenos la taskon interparoli kun svatatoj kaj aŭskulti iliajn devigajn ĵurojn pri ĝismortaj respekto kaj admiro ALö (analoge) proponante sin mem la juna viro svatis sin al la junulino ➞ svatagentejo.
2 (evitinde) proponi sin al iu kiel edzon aŭ edzinon: la plej belaj viroj klopodis svati ŝin HGK ŝi ne volis edziniĝi, sentante, ke ŝia vivo kun la homoj de laboro, kiuj ŝin svatis, estos malfacila por ŝi OE
1 En la origina uzo de svati neniu el la du personoj, pri kiuj temas la propono, estas la svatanto mem. Uzi svati subkomprenante, ke la svatanto proponas sin mem, tial estas grave miskompreneble. Oni nepre tion menciu eksplicite, ekz. li svatis sin al ŝi.
svato propono de svatisto.
svatado ago svati.
svatiĝi esti proponata kiel edzo aŭ edzino (fare de iu alia aŭ de si mem): ne ĉiu fianĉiĝas, kiu svatiĝas Z ĉiu havas ja la permeson svatiĝi je ŝi, eĉ la plej malriĉa almozulo Z venis nova svatiĝanto je la reĝidino Z li estis flatita, kiam mi post kelkaj monatoj svatiĝis al lia filino SJo li poste post kiso ne svatiĝis al ŝi nek entute zorgis pri ŝi SJo
svatisto homo, kies profesio aŭ okupo estas proponi aliulojn por edziĝo: kun la helpo de ambaŭ gepatroj, la svatisto fiksas la daton de la geedziĝo Ko ➞ edzperanto, parigisto.