PIV Reta Vortaro

PIV 2020 · 2243

brun/a

1 Havanta koloron miksitan el flavo, ruĝo k nigro: bruna kiel kaŝtano, malnova ligno; hele, malhele brunaj haroj.

2 Karakterizata de tiu koloro, kontraste al aliaj specoj: bruna ĉevalo ( falva), bruna urso (kontraste al: blanka); bruna karbo ( karbo); bruna pano (el ne senbranigita faruno); bruna biero (kontraste al: blonda); bruna sukero (duonrafinita); bruna ĉemizo (de nazioj).

3 Akirinta tiun koloron per varmiĝado: cerbaĵo en bruna butero.

bruno. Koloro bruna.

brunaĵo

1 Io bruna, objekto, makulo .

2 Kuiraĵo, preparita el faruno brunigita en butero, k servanta por ligi saŭcon. beŝamelo.

brunigi

1 Fari ion bruna: brunigi al si la haŭton ĉe la suno, la harojn per tinkturo.

2 Surface brunigi kuiraĵon per rostado aŭ brezado en graso tiel, ke ĝi ankoraŭ estas manĝebla: brunigi cepojn en butero; bone brunigita lumbaĵo.

brunulo

1 Homo bruna aŭ brunhara: la viroj preferas la blondulinojn, sed ili edzinigas la brunulinojn.

2 Brunulo. Nomo de la urso en iuj fabeloj.

sunbruno. Malhela koloro de la haŭto, kaŭzita de elmetado al sunaj radioj.