PIV 2026 · Artikolo 2678

★ĉasi

Litero Ĉ★ Fundamenta

Derivaĵoj en la artikolo 13
  1. ĉaso
  2. ĉasad/o
  3. ĉasaĵ/o
  4. ĉasej/o
  5. ĉasist/o
  6. ĉasist/in/o
  7. cerv/oĉasad/o
  8. ekĉasi
  9. falk/oĉaso
  10. forĉasi
  11. kurĉasi
  12. perl/oĉasi
  13. ŝtelĉasi
★ ĉasi tr
1 persekuti bestojn por kapti aŭ mortigi: ĉasi kuniklojn ĉasi perdrikojn ĉasi fiŝojn kiu ĉasas du leporojn, kaptas neniun Z li kuradis tra la arbaro kiel ĉasata besto Z hundo povus ĉasi leporon laŭ la monteto ALö ➞ kapti, peli.
2 (analoge) persekuti homojn por kapti aŭ mortigi: unu la alian ĉasas, por pereigi lin MT Mi sendos multe da ĉasistoj, por ĉasi ilin de ĉiu monto MT
3 (figurasence) konstante fervore peni por akiri ion valoran: ĉasi profiton MT ĉasi monon ĉasi honorojn ĉasi famon ĉasi vantaĵojn
4 (evitinde) = forpeli: la teruritaj birdoj flugis freneze , dum du sklavoj provis ĉasi ilin el la pordo ALö
ĉaso
1 okupo de ĉasanto: iri al ĉaso reveni de ĉaso FE festeno kaj ĉaso kaj da ŝuldoj amaso Z dormus leporo, se ĝi ĉason ne timus Z submara ĉaso
2 ARME atako de malamikaj ŝipoj aŭ aviadiloj per pli rapidaj, pli malpezaj maŝinoj.
ĉasado ago ĉasi: mi estis kun la Hotentotoj ĉe ĉasado kontraŭ leonoj Z (figurasence) por ke en ĉasado de virto ni ne mortu de malsato Z
ĉasaĵo
1 io ĉasata aŭ sukcese ĉasita: ĉasaĵo ĉasanton ne atendas Z ĉashundo, kiu ekflaris ĉasaĵon Z iru sur la kampon kaj ĉasu por mi ĉasaĵon MT ➞ ĉasbesto, ĉasbirdo.
2 KUIR manĝaĵo el ĉasita besto kontraste al buĉita. ➞ ĉasaĵodoro.
ĉasejo loko rezervita por la ĉaso: lui ĉasejon
ĉasisto, ĉasistino
1 persono, kies metio aŭ sporto estas ĉaso: kiel Nimrod, potenca ĉasisto antaŭ la Eternulo MT al bona ĉasisto iras mem la besto Z Diano la Ĉasistino
2 ARME ano de malpeza infanteria aŭ kavaleria korpuso: husaroj, dragonoj kaj ĉasistoj gardas ĉiujn elirojn Z alpaj ĉasistoj
cervoĉasado organizita ĉasado de cervoj: la tago de rekomenco de la cervoĉasado MD li mastrumas la posedaĵon kaj organizas cervoĉasadojn MD
ekĉasi komenci ĉasadon: la patrino kvietigis lin kaj ekĉasis la pedikojn, ĝis li ekdormis B
falkoĉaso ĉaso per falko.
forĉasi (evitinde) = forpeli: niaj buboj simple forĉasis hererojn kaj similajn hotentotojn en la dezerton OE
kurĉasi ĉasi beston, persekutigante ĝin per rapidaj hundoj: kurĉasi leporon kurĉasi vulpon kurĉasi cervon
perloĉasi perlofiŝi.
ŝtelĉasi senpermese ĉasi fremdan ĉasaĵon.