PIV 2026 · Artikolo 2680
★ĉasta
Derivaĵoj en la artikolo 16
★ ĉasta
1 detenanta sin kutime de neleĝaj aŭ nur plezurdonaj seksrilatoj: ĉasta edzino
2 detenanta sin de ĉiaj seksrilatoj; evitanta aŭ nekonanta la voluptajn dezirojn: mi fianĉigis vin al unu edzo, por ke mi prezentu vin kiel ĉastan virgulinon al Kristo NT estu ĉasta, kiel glacio, estu pura, kiel neĝo, — vi ne evitos la homan kalumnion Z knabino ĉasta, kiel la lumo de la ĉielo Z
(analoge) ne ofendu la ĉastajn orelojn de tiuj anserinoj kiam l’ okulojn pezajn fermos La ĉastaj steloj de l’ etero KKa
➞ deca, virga, virta, frigida.3 konforma al plej severa moraleco; fremda je ĉia sekseco; ne ekscitanta voluptajn dezirojn: Dian’ postulas servon la plej ĉastan Z la puran, ĉastan ĝojon de fratino Ne nomu senprudenta volupteco! Z ĉasta vivo ĉasta romano ĉasta fantazio
ĉasti ntr konduti ĉaste: morton indas, ne forgesu, kiu ĉastas hipokrite GWa
ĉasto konduto ĉasta: mi min gardis de l’ bombasto, preskaŭ kiom de l’ ĉasto, pesto kaj Unesko! GWa
ĉasteco eco de iu aŭ io ĉasta:
1 mi volas tian edzon, kiu estus tiom plena de konfido al mi kaj tiel certa pri mia ĉasteco, ke Z
2 virgulina ĉasteco Z konsilu la pli junajn virinojn, kiel fratinojn, kun ĉia ĉasteco NT la tri monaĥaj ĵurpromesoj pri obeado, malriĉeco kaj ĉasteco
malĉasta
1 foroferanta la moralan devon aŭ la bonan moron al la ĝuo de voluptaj plezuroj: virinon malĉastan aŭ senhonorigitan ili ne prenu MT malĉastaj dancistinoj ➞ malpura, peka.
2 instiganta al volupto; celanta al seksaj ĝuoj: kuraĝu nun ekpalpi mian korpon per malĉasta tuŝo Z tiuj faradis la plej malĉastajn gestojn Z sep aliaj, kiujn li entiris en sian malĉastan vivon Z malĉasta robo malĉasta filmo malĉasta revuo
malĉasti, malĉastadi ntr
1 fari malĉastajn agojn; sekse diboĉi: vi malĉastis kun ĉiu pasanto, fordonante vin al li MT kiel malĉastanta virino, kiu anstataŭ sia edzo akceptas fremdulojn MT malĉastadi do ne ĉesu ne nur korpe, sed spirite GWa
2 BIBL kulti al paganaj dioj: Izrael iris sub ĉiun verdan arbon kaj tie malĉastis MT ➞ adulti.
malĉasto karakterizaĵo de tio, kio estas malĉasta: ŝiajn lipojn delikatajn fiaj vortoj de malĉasto kisas kun naiva ĉarm’ GWa
malĉastado ago malĉasti: via nudeco estas malkovrata en via malĉastado al viaj amistoj MT se filino de pastro senhonoriĝis per malĉastado, oni forbruligu ŝin MT
malĉastaĵo
1 malĉasta ago: pro malĉastaĵoj ĉiu viro havu propran edzinon NT
2 konkreta rezulto de malĉastaĵo 1: la Egiptoj verŝadis sur ŝin sian malĉastaĵon MT
malĉasteco malĉasta moro, konduto, vivo: kion do la homoj povus pensi , se nia laborejo prezentus iajn ekzemplojn de malĉasteco! Z oni raportas, ke estas ĉe vi malĉasteco, kaj tia , ke iu havas la edzinon de sia patro NT la faroj de la karno, kiuj estas malĉasteco, ebrieco NT
malĉastejo bordelo 1.
malĉastisto amoristo.
malĉastistino amoristino: ne devas esti malĉastistino inter la filinoj de Izrael, kaj ne devas esti malĉastisto inter la filoj de Izrael MT al ĉiuj malĉastistinoj oni donas donacojn MT
malĉastulo viro, kiu kutime malĉastas: kunulo de malĉastuloj MT
malĉastulino virino, kiu kutime malĉastas: kiele junulo povus kontraŭstari al la ĉarmoj de malĉastulino? Z prenu al vi edzinon malĉastulinon kaj naskigu infanojn malĉastajn neleĝ ajn MT
promalĉasta BIBL farata por kompensi malĉastecon: promalĉastaj donacoj MT