PIV 2026 · Artikolo 287
akacio
Derivaĵoj en la artikolo 5
akacio BOTA florplanto, herbo 1, arbusto aŭ arbo, kun floretoj aranĝitaj en infloreskoj, aŭ globaj aŭ cilindraj, pale flavaj ĝis hele flavaj, rare ruĝaj aŭ purpuraj, kaj ofte kun parfumo; kun duoble plume kunmetaj folioj; el la varmaj regionoj, pluraj kultivataj por ornamo en la mildaj regionoj, aliaj por valora ligno. genro Acacia junuloj kaj knabinoj svingiĝas en danco sub la florantaj akacioj Z branĉeto de akacio estas unu el la framasonaj simboloj ➞ mimozo, robinio; fabaco.
farneza akacio akacio, arbusto el Sud-Ameriko, kultivata, eĉ en ne tropikaj regionoj kaj sudokcidenta Eŭropo, por aromaj floroj entenantaj farnezolon. specio Vachellia farnesiana
kateĉuakacio specio de akacio arbo hejma de Hindujo ĝis Ĉinujo, el kiu oni ricevas kateĉuon. specio Senegalia catechu
ora akacio malgranda arbo kun verdaj filodioj ĝis 150 mm longaj kaj ĝis 35 mm larĝaj, anstataŭ folioj; la flavaj infloreskoj kreskas en grupoj de 40 ĝis 100 floretoj kun longaj stamenoj; poste kreskas guŝoj kun oblongaj semoj ĝis 6 mm longaj; indiĝena en sudorienta Aŭstralio. specio Acacia pycnantha
senegala akacio arbo el arida tropika Afriko, el kiu oni ricevas araban gumon. specio Senegalia senegal
ŝajnakacio speco de robinio, el orienta Usono, naturigita en Eŭropo, arbo plantebla sur malriĉaj grundoj, kultivata i.a. por heĝoj kaj iuloke forstumata. specio Robinia pseudoacacia Sin. ŝajnakacia robinio, pseŭdoakacia robinio.