PIV · 3072
★diamant/o
★diamant/o ⊕ Mineralo el pura karbono, kristaliĝinta laŭ la kuba sistemo, ege dura, tre brila, travidebla, sen- aŭ divers-kolora, uzata kiel juvelŝtono: la kolon de la botelo oni distranĉis per diamanto Z; ne ĉio brilanta estas diamanto Z; perloj k diamantoj Z. ☞ brilianto, gemo, grafito.
diamanta
1 El diamanto.
2 Brila, kiel diamanto: diamantaj rosaj gutoj.
diamanti (tr) Ornami per diamantoj, aŭ diamantobrilaj eroj: diamantita herbejo.
diamantisto. Tajlisto aŭ vendisto de diamantoj.