PIV 2026 · Artikolo 3440

★dubi

Litero D★ Fundamenta

Derivaĵoj en la artikolo 10
  1. duba
  2. dubo
  3. dubem/a
  4. dubind/a
  5. eksterduba
  6. konscienc/odubo
  7. nedubebl/a
  8. pridubi
  9. senduba
  10. sendube
★ dubi tr aŭ pri
1 ne esti certa pri la ekzisto, realeco aŭ vereco de io: dubi pri Dio dubi pri ies honesteco dubu pri vereco de la vero,
Sed ne dubu nur pri mia amo Z
li neniam dubis pri sia sukceso dubi la utilecon de io eĉ se ni povus atingi interkonsenton (kion mi tre dubas) Z ĉu vi povas ankoraŭ dubi? Z kiu dubas, sin detenu! ➞ heziti, malfidi.
2 ke aŭ ĉu ne scii, aŭ heziti kredi, ĉu io okazos aŭ ne: neniu dubos, ke ellerni unu akcenton por ĉiuj vortoj estas mil fojojn pli facile Z neniu povas dubi, ke ĉiujn, kiuj batalas por Esperanto, ligas unu komuna ideo Z ni forte dubas, ĉu troviĝos iu, kiu konsilus solvi la demandon alie Z ni forte dubas, ĉu iu serioze konsilus Z mi forte dubas ke iu jesigus tiun ĉi demandon Z ➞ demandi sin.
duba prezentanta dubon: duba rezulto duba batalo la ebleco de apero de nova lingvo per si mem estas tre duba Z estus bone, se ni alkutimiĝus en ĉiuj okazoj dubaj preferi la nominativon Z la respondo ne povas esti duba granda parolisto estas duba faristo Z ŝia kulpeco ne plu estas duba ➞ necerta.
dubo mensostato meza inter nesciado kaj certeco: esti en dubo pri io Z esti atakita de duboj esti kaptita de duboj eksenti dubon antaŭ aserto la akuzativo forigas ĉiun dubon pri tio Z dubo ronĝas la kredon kaj nutras la sciencon dubo gardas kontraŭ risko Z vi sen ia dubo estas jam juĝitaj Z
dubema inklina al dubado. ➞ skeptika.
dubinda tia, ke oni devas dubi pri ĝi: dubinda fideleco
eksterduba senduba, nedubebla: la matureco de nia afero estas jam tute eksterduba Z
konsciencodubo KRIS kazuo. ➞ skrupulo.
nedubebla senduba, eksterduba: vi posedas nedubeblan talenton Z
pridubi tr dubi pri io: mi pridubas ĉiujn liajn asertojn
senduba tia, ke oni ne povas dubi pri ĝi: garantio de senduba sukceso Z Sin. eksterduba, nedubebla.
sendube tre certe: vi memoras sendube, ke pri tio mi detale skribis al Vi Z jen estas frapo, sendube, kiun vi ne atendis Z ĉu vi havas infanetojn?
Sendube! kvin Z