PIV 2026 · Artikolo 4096

★Esperanto

Litero E★ Fundamenta

Derivaĵoj en la artikolo 14
  1. Esperanta
  2. esperantaĵ/o
  3. esperantan/o
  4. esperantid/o
  5. esperantig/i
  6. esperantism/o
  7. esperantist/a
  8. esperantist/o
  9. esperantist/ar/o
  10. esperantist/ec/o
  11. Esperantuj/o
  12. Esperanti/o
  13. peresperanta
  14. poresperanta
★ Esperanto ankaŭ minuskle LING sengenta lingvo iniciatita de Zamenhof, kiu publikigis ĝiajn bazojn gramatikan kaj leksikan en 1887: la lingvo Esperanto Z oni parolas Esperanton Z Esperanto parolata Z traduki en Esperanton Z en bona Esperanto Z
1 La lingvonomo Esperanto historie devenas de la kunmetaĵo esper·ant·o. Zamenhof origine uzis por si la kaŝnomon «Doktoro Esperanto» (doktoro, kiu esperas, t.e. kiu estas esper·ant·o). Poste tiu kaŝnomo estis ekuzata kiel nomo de la lingvo, tiel fariĝante aparta nekunmetita radiko.
Esperanta de aŭ rilata al Esperanto: la Esperanta afero la Esperanta popolo la Esperantaj kongresoj
esperantaĵo io, kio rilatas al Esperanto aŭ karakterizas ĝin.
esperantano aprobanto de Esperanto.
esperantido iu ajn planlingvo grandparte bazita sur Esperanto.
esperantigi
1 fari ion Esperanta.
2 fari iun esperantisto.
esperantismo
1 LING lingva apartaĵo de Esperanto: la formo «sidiĝu» jam de tre longe estas uzata , tial ĝi fariĝis jam «esperantismo» Z
2 penado disvastigi la uzadon de Esperanto: la interna ideo de la esperantismo «Deklaracio pri la esenco de la Esperantismo» Z
esperantista rilata al esperantisto(j): la laboradon de la Londona Klubo Esperanta la tuta mondo esperantista observas kun granda intereso Z
esperantisto
1 persono, kiu scias kaj uzadas Esperanton: estas nomata esperantisto ĉiu persono, kiu scias kaj uzas Esperanton tute egale por kiaj celoj Z en la unua kongreso de la esperantistoj estas necese diri kelkajn vortojn pri la ĝisnunaj batalantoj de nia afero Z
2 esperantisto 1, kiu estas ankaŭ adepto de esperantismo 2: ni, esperantistoj-batalantoj certe vidas en nia standardo ion alian Z
esperantistaro tuto de la esperantistoj.
esperantisteco eco de esperantisto; praktikado de Esperanto:la simpla esperantisteco, t.e. la uzado de la lingvo Esperanto Z ĉie tre vaste videblas lia esperantisteco kaj esperantista agado OE
Esperantujo, Esperantio la tuto de la lokoj kaj institucioj, en kiuj Esperanto estas uzata: iom post iom Esperantujo fariĝos edukejo de la estonta interfratigita homaro Z
peresperanta agado aŭ asocio uzanta Esperanton por siaj celoj: SAT estas peresperanta asocio peresperanta edukado VSa
poresperanta agado aŭ asocio celanta la disvastigon de Esperanto: la landaj poresperantaj asocioj la peresperanta kaj poresperanta flankoj de nia movado ne estas tiel apartaj Mo!