PIV 2026 · Artikolo 4095

★esperi

Litero E★ Fundamenta

Derivaĵoj en la artikolo 16
  1. espero
  2. La Espero
  3. esperant/o
  4. Esperant/o
  5. esperebl/a
  6. esperebl/e
  7. esperig/a
  8. esperig/i
  9. Bonespero
  10. malespera
  11. malesperi
  12. malespero
  13. malesperig/a
  14. malesperig/i
  15. senespera
  16. senesperec/o
★ esperi tr deziri ion kredante, ke ĝi eble realiĝos: esperi heredaĵon esperi flaton Z esperi panon Z esperi filon esperi feliĉon esperi la venkon esperi ion de iu en plej alta mizero al Dio esperu fidu al li, ke li vin helpos Z mi esperas, ke mi mem min helpos Z ni esperas, ke nia voko ne restos vana Z ŝi esperis, ke ŝi edziniĝos tia rapida sukceso ne estis esperata de ni prikalkuli la esperatan laborenspezon Z ne atendita, ne esperita ofte venas subite Z ne esperite, ne sonĝite tute surprize Z en malfeliĉo esperu Z malpli esperu, pli konsideru Z mi staras hodiaŭ antaŭ vi ne esperinte Z ➞ antaŭvidi, aŭguri, sopiri.
espero
1 stato aŭ sento de iu, kiu esperas: la okuloj ekbrilis per espero Z ne perdu la esperon Z mi ne povas doni al vi eĉ la plej malgrandan esperon ricevi lokon Z mi ne povas havi esperon ricevi oficon Z meti sian esperon sur iun MT espero logas, espero mensogas Z espero panon ne donas Z restis al mi nenia espero saviĝi ➞ esperdona, esperplena.
2 io esperata: doni grandajn esperojn Z detruitaj esperoj Z
3 persono aŭ afero, pri kiu oni multon esperas: la sola filo, ilia espero por la estonteco Z la povoscio de la franca lingvo estis ŝia sola espero
4 KRIS la dua el la tri teologiaj virtoj, per kiu kristano konfide atendas de Dio eternan feliĉon kaj la rimedojn atingi ĝin.
La Espero poemo de Zamenhof kaj la esperantista himno.
esperanto iu, kiu esperas: per laboro de la esperantoj Z ➞ Esperanto.
Esperanto ESPO pseŭdonimo de Zamenhof okaze de la publikigo de la unua libro de la lingvo Esperanto: mi, subskribita, promesas ellerni la proponitan de d-ro Esperanto lingvon internacian, se estos montrita, ke dek milionoj personoj donis publike tian saman promeson Z en la jaro 1887 aperis la unua lernolibro sub la titolo «Internacia Lingvo de Doktoro Esperanto» ILa
esperebla tia, ke oni povas esperi ĝin: resaniĝo ankoraŭ estas esperebla SSz
espereble laŭ tio, kion oni povas esperi:espereble iam oni lernos el la faritaj eraroj ILa mi respondis, espereble sufiĉe ĝentile PGu
esperiga donanta esperojn; promesplena; bonaŭgura: esperiga florado esperiga debuto la okuloj , kiuj antaŭ momento esprimis esperigan meditadon Z Sin. esperdona.
esperigi naski aŭ inspiri esperon en iu: li esperigis nin pri lia veno, esperigis al ni lian venon
Bonespero GEOG HIST eksa nomo de Nuko 2. Godthåb
malespera rilata al malespero: fajro de malesperaj pensoj Z malespera krio Z
malesperi ntr tute ne havi esperon: ni ne malesperu pri la homaro hom’ malesperas, Dio aperas Z
malespero sento, stato de malesperanto: malantaŭe mizero, antaŭe malespero Z li estis tute en malespero Z elmeti al malespero Z enfali en malesperon Z malespero min kaptas, kiam mi rigardas la malgrasiĝintan vizaĝon de mia infano Z ➞ despero.
malesperiga tia, ke ĝi forigas esperon: cirkonstancoj infere malesperigaj OE
malesperigi forigi la esperon de iu: vi ne permesis ke tiuj zorgoj malesperigu vin CRo
senespera tia, ke oni ne plu konservas esperon: senespera afero HLu senespera malsanatako treni sian senesperan ekzistadon Z la senesperaj fratinoj serĉis lin en la tuta urbo B
senespereco stato de iu aŭ io senespera: timo kaj senespereco sur ĝi la vizaĝo ne estis Z