PIV 2026 · Artikolo 5005
galopi
galopi ntr
1 ĉevalo k.s. kuri per la plej rapida kurmaniero, en kiu la kvar piedoj samtempe delasas la grundon ĉe ĉiu paŝego: la sovaĝaj ĉevaloj galopas tra la vastaj stepoj Z Jano staris sur galopanta ĉevalo CPi ➞ ambli, paŝi, troti.
2 rajdi sur ĉevalo, kiu galopas: sur sia sagrapida ĉevalo li galopis super la velure verdaj herbejoj Z la moŝto sinjoro ekpikas sian ĉevalon per sprono kaj agrable galopas tra la estinta grenkampo Z
3 (figurasence) tre rapide kuri: la struto galopas tra la dezerto kiel sovaĝa ĉevalo Z la ŝtelistoj forkuris kaj galopis kvazaŭ ĉasataj de l’ diablo B regas senlaboreco kaj sensekureco kaj galopas inflacio HFi
galope per galopo: subite venis galope du ĉevaloj Z post momento galope preterveturis sinjoro en kaleŝo B (figurasence) la kvanto da ciferecaj datumoj pliiĝas galope kaj duobliĝas en ĉirkaŭ tri jaroj LMa
galopo
1 la plej rapida el la naturaj kurmanieroj de ĉevalo: la ĉevalo kuradis en plena galopo Z ➞ paŝado 2, troto.
2 tre rapida kuro.
3 MUZI danco kun tre rapida takto.
forgalopi forkuri galope: la cervo per ĉiuj fortoj forgalopis Z