PIV 2026 · Artikolo 5009
1★gamo
Derivaĵoj en la artikolo 3
1 ★ gamo
1 MUZI serio de la tonoj de tonalo, vicigitaj laŭ tonalto en la amplekso de unu okto: kromata gamo minora gamo maĵora gamo ➞ gamsigno, toniko 1.
2 (figurasence) tuta amplekso de la muzika sonaro: de tempo al tempo leviĝadis gamo de junula rido Z per senfinaj gamoj leviĝadis la misteraj murmuroj de la granda urbo Z
3 (figurasence) tuta serio de iaj aferoj: gamo de koloroj la legombazaro montris la tutan gamon de la verdo la tuta gamo de krimado
(kun kvanta senco) studentoj pristudos vastan gamon da materialoj OE pli ol 35 diversdisciplinaj fakuloj aŭskultis gamon da prelegoj DBl
gami ntr konsisti el tre diversspeca aro de iaj aferoj: la tuto de la fakaj asocioj gamos de hobioj ĝis sciencaj fakoj FVa ekstrema ekzemplo de skemismo estas Volapük, kaj de naturalismo Latino sine Flexione; la aliaj planlingvoj gamas de unu ekstremo al la alia JWe
aligamigi transponi.