PIV 2026 · Artikolo 5190
giganto
Derivaĵoj en la artikolo 4
giganto
1 homo nenormale granda: neniu fidinde ekzamenita giganto atingis la alton de tri metroj gigantoj estis sur la tero en tiu tempo MT (figurasence) teruro! Kion povas fari prudento kontraŭ la glacia ĉirkaŭpreno de tiu ĉi giganto? Z Sin. grandegulo. ➞ koloso 1, monstro, ogro; Monto de la Gigantoj.
2 ASTR stelo pli granda kaj pli hela ol la ordinaraj (apartenantaj al la ĉefa sekvenco): post kvin miliardoj da jaroj la suno iĝos ruĝa giganto kaj etendiĝos trans la orbito de la tero ➞ supergiganto.
giganta
1 rilata al giganto: mi vidis gigantan virinan figuron iliaj abelaj klopodoj kaj iliaj gigantaj projektoj Z
gigantismo
1 ĝenerala troeco en la kreskado de individuo, kiu tamen konservas harmoniajn proporciojn: simpla gigantismo
2 troeco en la kreskado de iuj partoj de la korpo: ambaŭ formoj de gigantismo devenas de misfunkciado de la hipofizo ➞ akromegalio.
3 (figurasence) emo produkti grandegajn objektojn: la gigantismo de la moderna civilizacio
ruĝa giganto ASTR malfrua stadiformo de giganto 2, kies relative malvarma surfaco radias precipe ruĝan lumon.
supergiganto ASTR grandega stelo, kun maso almenaŭ dekoble pli ol tiu de nia suno.