PIV 2026 · Artikolo 5273

★gliti

Litero G★ Fundamenta

Derivaĵoj en la artikolo 23
  1. glita
  2. glito
  3. glitad/o
  4. glitant/o
  5. glitej/o
  6. glitem/ig/i
  7. glitig/a
  8. glitig/i
  9. glitil/o
  10. glitum/i
  11. aerglita
  12. degliti
  13. elgliti
  14. elglitiĝ/i
  15. engliti
  16. englitiĝ/i
  17. flank/e/ngliti
  18. forgliti
  19. pretergliti
  20. ruloglitil/o
  21. ŝipoglitej/o
  22. tragliti
  23. vost/oglitad/o
★ gliti ntr
1 facile moviĝi sur glata aŭ grasa supraĵo: oni glitas kiel sur sapo ŝtono glitas sur glacio mi lasis min gliti en la kavon molekuloj de likvo facile glitas unu sur alia la laca cikonio glitis malsupren laŭ la velo Z ➞ glitveturilo.
2 SPOR antaŭeniĝi sur glata supraĵo konservante sian ekvilibron: hodiaŭ estas bela frosta vetero, tial mi iros gliti FESin. glitumi, sketi. ➞ glitŝuo.
3 perdi la starecon kaj ekvilibron, marŝante sur glata supraĵo: mia piedo ekglitis sur la vaksita pargeto ili glitos tie en mallumo kaj falos MT
4 (figurasence) pasi senbrue, facile aŭ nerimarkite: la servistoj senbrue glitis inter la manĝantoj la radioj de la suno glitis malsupren laŭ la blankaj muroj Z supraĵa rideto glitis super la porcelane blankan vizaĝon Z senvole glitis miaj okuloj al mia ŝranko centoj da bildoj glitis tra liaj pensoj Z ili glitas iom post iom en profundan mizeron ➞ flui, flugi, ŝvebi, preterportiĝi.
5 TEKN io rotacianta ne sufiĉe adheri: radoj glitas kluĉdisko glitas
glita tiel glata aŭ grasa, ke la alteno estas malfacila: glita angilo okazon kaptu ĉe l’ kapo, ĉar la vosto estas glita Z (figurasence) diable glitaj argumentoj glite enŝoviĝis la kato Z
glito ago gliti kaj pli speciale:
1 LING preskaŭ neperceptebla transiro inter du sinsekvaj distingeblaj pozicioj de la voĉorganoj.
2 ELEK la kvociento de la relativa rapido de la kampo rilate al la rotoro per la absoluta rapido de la kampo (ĉe generatoro aŭ nesinkrona motoro).
3 BELE poezia licenco, konsistanta en anstataŭigo de komenca jambo per trokeo.
glitado ago aŭ stato de iu, kiu glitadas: glitado estas amata distro de la knaboj
glitanto
1 iu, kiu glitas.
2 LING parolsono fonetike vokoida kaj fonologie konsonanta (en Esperanto j kaj ŭ).
glitejo
1 parto de vojo, rivero k.s., kie glacio ebligas gliti 2.
2 speciale aranĝita loko por sporta glitado.
glitemigi lubriki.
glitiga
1 tia, ke oni riskas fali pro glitado: ilia vojo estu malluma kaj glitiga MT glitiga pargeto glitiga trotuaro (figurasence) spiritoj glitigaj kiel serpenta korpo B
2 (figurasence) malfacile priparolebla; prezentanta riskojn de mispaŝo: glitiga temo glitiga demando
glitigi fari, ke iu aŭ io glitu: ili glitigis niajn paŝojn, ke ni ne povu iri sur niaj stratoj MT la gvidanto ĉe ĉiu nova eniro glitigas unu eron de sia longa rozario B Lucio trempis ostrokonkon en la saŭcon, kaj glitigis la enhavon en sian buŝon ALö
glitilo ilo konsistanta ĉefe el ŝtala lameno laŭlonge kaj vertikale fiksebla al la subo de ŝuo por ebligi rapidan glitadon sur glacio: mi prenos miajn glitilojn kaj iros gliti FE Sin. sketilo. ➞ glitŝuo.
glitumi gliti 2.
aerglita VETU MARN veturilo kapabla flosi sur kuseno da kunpremita aero: aerglita veturilo aerglita boato ➞ teraplano; aerkuseno 1.
degliti fali glitante: li deglitis de la ĉevalo B (figurasence) ĵus de la lipoj estis deglitonta ia venena vorto Z
elgliti
1 eliĝi glitante: la spegulo elglitis el iliaj manoj Z el lia mano ĉiu monero elglitas li estas malŝparema Z
2 (figurasence) ellasiĝi: la lasta vorto elglitis el ŝia buŝo malgraŭvole Z el sub la ŝajno de ĝentileco ĉiumomente elglitis aperis aŭ elvidiĝis ilia malŝato B
3 eliri rapide kaj nerimarkite: elgliti el domo elgliti el ĉambro
elglitiĝi malaperi senspure: elglitiĝis el sub ŝiaj piedoj la fundamento de ŝia materiala ekzistado Z
engliti eniĝi aŭ eniri, glitante: ĉiuj ekiris al la truo kaj singarde englitis tra ĝi B atendis, meditis, ĝis en tombon englitis Z la polvo englitis en la keston diversaj malordoj englitis en mian kortegon B
englitiĝi eniĝi facile, kvazaŭ nerimarkite: via palato estas kiel vino bongusta,
Kiu englitiĝas ĉarmege kaj glate MT
flankengliti = (prefere) jori.
forgliti foriĝi, glitante: ombro de nuboj forglitas super la pejzaĝo Z (figurasence) la povo forglitis el liaj manoj
pretergliti tr preterpaŝi, glitante: ĉiuj landoj de la mondo preterglitas antaŭ niaj okuloj Z
ruloglitilo glitaparato provizita per radetoj anstataŭ ŝtallameno. Sin. rulsketilo.
ŝipoglitejo klina ejo, sur kiun oni tiras malgrandan ŝipon por ĝin ripari.
tragliti tr pasi glitante tra aŭ inter ia grupo: mi ne amas ceremoniojn. Kontraŭe, mi penas tragliti nerimarkite Z tragliti inter la scivolemuloj la koron traglitas mallumaj nuboj Z
vostoglitado AVIA moviĝo de aviadilo malantaŭen laŭ ĝia longakso sub la efiko de la gravito.